25 मार्चला सुरु झालेल्या फ्लिपकार्ट मंथ एन्ड मोबाईल फेस्ट सेलचा आज म्हणजे 26 मार्च शेवटचा दिवस आहे. या सेलमध्ये Apple च्या लेटेस्ट iPhone 13 वर बंपर डिस्काउंट दिला जात आहे. जर तुम्ही आयफोन घेण्याचा विचार करत असाल तर ही तुमच्यासाठी चांगली संधी आहे. चला जाणून घेऊया iPhone 13 वर मिळणारी ऑफर आणि डिस्काउंट.
iPhone 13 वरील सवलत
iPhone 13 चा 128GB व्हेरिएंट भारतात 79,900 रुपयांमध्ये सादर झाला होता. परंतु फ्लिपकार्टकडून यावर 6 टक्के सूट दिली जात आहे. त्यामुळे हा स्मार्टफोन 74,900 रुपयांमध्ये विकला जात आहे. या सेलमध्ये चांगल्या बँक ऑफर्स देखील दिल्या जात आहेत. आयसीआयसीआय बँक आणि कोटक बँक क्रेडिट किंवा डेबिट कार्ड्स धारकांना 6 हजार रुपयांचा इन्स्टंट डिस्काउंट दिला जात आहे.
हा 6 हजार रुपयांचा डिस्काउंट या iPhone 13 ची किंमत 68,900 रुपये करतो. जी एक चांगली डील आहे. परंतु या डीलला अजून चांगल्या एक्सचेंज ऑफरची जोड देण्यात आली आहे. जिथे तुम्ही तुमचा जुना स्मार्टफोन देऊन 16 हजार रुपयांपर्यंतची सवलत मिळवू शकता. योग्य जुना स्मार्टफोन असल्यास नवीन iPhone 13 (128GB) तुम्ही 52,900 रुपयांमध्ये घरी आणू शकता.
Apple iPhone 13 चे स्पेसिफिकेशन्स
Apple iPhone 13 मध्ये 6.1 इंचाचा रेटिना डिस्प्ले देण्यात आला आहे. फोटोग्राफीसाठी या फोनमध्ये ड्युअल रियर कॅमेरा सेटअप देण्यात आला आहे. ज्यात 12MP चे दोन सेन्सर आहेत. सेल्फी आणि व्हिडीओ कॉलिंगसाठी या फोनमध्ये 12MP चा फ्रंट कॅमेरा देखील देण्यात आली आहे. यात प्रोसेसिंगसाठी कंपनीची A15 बायोनिक चिप देण्यात आली आहे. iPhone 13 मध्ये 128GB स्टोरेज देण्यात आली आहे.