नवी दिल्ली: सरकारी दूरसंचार कंपनी भारत संचार निगम लिमिटेडने (BSNL) आपल्या ग्राहकांसाठी एक मोठी घोषणा केली आहे. BSNL ने आता eSIM (एम्बेडेड सिम) सेवा सुरू केली आहे, ज्यामुळे आता ग्राहकांना मोबाईलमध्ये फिजिकल सिम कार्ड टाकण्याची गरज भासणार नाही. आतापर्यंत ही सुविधा केवळ खाजगी दूरसंचार कंपन्या देत होत्या, पण आता BSNL च्या ग्राहकांनाही या आधुनिक तंत्रज्ञानाचा लाभ घेता येणार आहे.
काय आहे eSIM तंत्रज्ञान?eSIM हे एक डिजिटल सिम आहे जे तुमच्या स्मार्टफोनमध्ये इलेक्ट्रॉनिक चिपच्या स्वरूपात आधीपासूनच बसवलेले असते. तुम्हाला फक्त तुमचा टेलिकॉम ऑपरेटर निवडून ते सक्रिय करायचे असते. यामुळे सिम कार्ड हरवण्याची किंवा खराब होण्याची चिंता राहत नाही. विशेषतः ज्या स्मार्टफोनमध्ये फक्त एकच फिजिकल सिम स्लॉट आहे, त्यांच्यासाठी हे तंत्रज्ञान खूप उपयुक्त आहे, कारण ते BSNL चे eSIM दुसरे सिम म्हणून वापरू शकतात.
टाटा कम्युनिकेशन्ससोबत भागीदारीBSNL ने ही सेवा देण्यासाठी टाटा कम्युनिकेशन्स (Tata Communications) सोबत भागीदारी केली आहे. टाटाच्या 'MOVE' प्लॅटफॉर्मच्या मदतीने BSNL आपल्या ग्राहकांना eSIM सेवा देणार आहे. हा प्लॅटफॉर्म GSMA (ग्लोबल सिस्टम फॉर मोबाईल कम्युनिकेशन्स) द्वारे मान्यताप्राप्त असून तो पूर्णपणे सुरक्षित आहे. ही eSIM सेवा 2G, 3G, आणि 4G नेटवर्कवर काम करेल, ज्यामुळे ग्राहकांना चांगला नेटवर्क अनुभव मिळेल.
BSNL चे अध्यक्ष आणि व्यवस्थापकीय संचालक, ए. रॉबर्ट रवी यांनी सांगितले की, "या देशव्यापी eSIM सेवेमुळे ग्राहकांचा अनुभव सुधारेल आणि भारताचे डिजिटल स्वातंत्र्य अधिक मजबूत होईल."
BSNL 5G लवकरचeSIM सेवेसोबतच, BSNL या वर्षाच्या अखेरीस 5G सेवा सुरू करण्याची तयारी करत आहे. सुरुवातीला ही सेवा मुंबई आणि दिल्लीसारख्या मोठ्या शहरांमध्ये सुरू केली जाईल. BSNL च्या या पावलामुळे खाजगी कंपन्यांना मोठी स्पर्धा मिळण्याची शक्यता आहे.
Web Summary : BSNL introduces eSIM service, eliminating the need for physical SIM cards. Partnering with Tata Communications, the service supports 2G, 3G, and 4G networks. BSNL plans to launch 5G services in major cities by year's end, intensifying competition.
Web Summary : BSNL ने eSIM सेवा शुरू की, अब फिजिकल सिम की ज़रूरत नहीं। टाटा कम्युनिकेशन्स के साथ साझेदारी में, यह सेवा 2G, 3G और 4G नेटवर्क को सपोर्ट करती है। BSNL इस साल के अंत तक बड़े शहरों में 5G सेवा शुरू करने की योजना बना रहा है।