तंत्रज्ञान विश्वातील दिग्गज कंपनी अॅपल येत्या ४ मार्च २०२६ रोजी आपल्या वर्षातील पहिल्या भव्य इव्हेंटचे आयोजन करण्याची शक्यता आहे. या इव्हेंटमध्ये अॅपल केवळ प्रीमियम उत्पादनेच नाही, तर बजेट ग्राहकांना आकर्षित करण्यासाठी 'परवडणारी' उत्पादने लाँच करणार असल्याचे संकेत मिळत आहेत. यामध्ये सर्वांचे लक्ष वेधून घेतले आहे ते म्हणजे स्वस्त 'मॅकबुक' आणि आयफोनच्या नवीन मॉडेलने.
अॅपल पहिल्यांदाच शैक्षणिक क्षेत्रातील विद्यार्थी आणि बजेटमध्ये लॅपटॉप शोधणाऱ्या ग्राहकांसाठी एक स्वस्त मॅकबुक लाँच करू शकते. हे मॉडेल गुगलच्या क्रोमबुकला तगडी टक्कर देईल असे मानले जात आहे. तसेच आयफोन प्रेमींसाठी या इव्हेंटमध्ये iPhone 17e चे अनावरण केले जाऊ शकते. 'e' सीरीजमधील हा फोन प्रामुख्याने मध्यमवर्गीय ग्राहकांना डोळ्यासमोर ठेवून डिझाइन केला असून, यात कमी किमतीत आयफोन १७ चे काही प्रीमियम फीचर्स मिळण्याची शक्यता आहे.
नवीन iPad Air आणि Miniया सोहळ्यात अॅपल आपल्या आयपॅड सीरीजमध्येही सुधारणा करणार आहे. नवीन आयपॅड एअर आणि आयपॅड मिनी अधिक शक्तिशाली चिपसेटसह लाँच केले जाऊ शकतात. या सर्व नवीन गॅजेट्समध्ये अॅपलच्या प्रगत 'अॅपल इंटेलिजन्स'चा (AI) सपोर्ट मिळणार आहे, ज्यामुळे वापरकर्त्यांना स्मार्ट आणि वेगवान अनुभव मिळेल.
मार्केटमध्ये मोठी उलथापालथ?
अॅपलने जर खरोखरच कमी किमतीतील लॅपटॉप लाँच केला, तर लॅपटॉप मार्केटमध्ये मोठी खळबळ उडू शकते. विशेषतः शैक्षणिक क्षेत्रातील वापरकर्त्यांसाठी हे वरदान ठरू शकते. अॅपलचे हे वर्षातील पहिले इव्हेंट असल्याने जगभरातील टेक विश्वाचे लक्ष याकडे लागले आहे.
Web Summary : Apple may launch a budget MacBook to rival Chromebooks, targeting students. The event might unveil the iPhone 17e, with premium features at a lower price. New iPad Air and Mini models with advanced AI are also expected.
Web Summary : एप्पल छात्रों को लक्षित करते हुए क्रोमबुक को टक्कर देने के लिए एक सस्ता मैकबुक लॉन्च कर सकता है। इवेंट में कम कीमत पर प्रीमियम सुविधाओं के साथ iPhone 17e का अनावरण किया जा सकता है। उन्नत एआई के साथ नए आईपैड एयर और मिनी मॉडल भी अपेक्षित हैं।