टेक Apple ने मंगळवारी 14 सप्टेंबर रोजी एका इव्हेंटचे आयोजन केले आहे. हा इव्हेंटचे नाव ‘California Streaming’ असे ठेवण्यात आले आहे. या Apple Event 2021 च्या मंचावरून कंपनी आपली आगामी iPhone 13 सीरिज सादर करू शकते. त्याचबरोबर Apple Watch Series 7 स्मार्टवॉच आणि AirPods 3 हे प्रोडक्ट देखील ग्राहकांच्या भेटीला येऊ शकतात. अ‍ॅप्पलचा कॅलिफोर्निया स्ट्रीमिंग इव्हेंट भारतीय वेळेनुसार 14 सप्टेंबरला रात्री 10:30 वाजता सुरु होणार आहे. तुम्ही हा इव्हेंट कंपनीच्या YouTube चॅनेलवरून थेट बघू शकता. Apple TV युजर्सना देखील हा इव्हेंट लाईव्ह बघता येईल.
अ‍ॅप्पल इव्हेंटमध्ये होणाऱ्या घोषणा
अ‍ॅप्पलने 14 सप्टेंबरला होणाऱ्या लाँच इव्हेंटची माहिती दिली आहे. परंतु कंपनीने या इव्हेंटमध्ये कोणकोणते प्रोडक्टस लाँच होतील याची माहिती दिली नाही. मीडिया मीडिया रिपोर्ट्स आणि लीक्सनुसार या इव्हेंटमधून आयफोन 13 सीरीज अंतगर्त iPhone 13, iPhone 13 mini, iPhone 13 Pro आणि iPhone 13 Pro Max मॉडेल सादर केले जाऊ शकतात.
Apple iPhone 13 series व्यतिरिक्त कंपनी 14 सप्टेंबरच्या अ‍ॅप्पल इव्हेंटमधून Apple Watch Series 7 देखील बाजारात आणू शकते. या आगामी अ‍ॅप्पल वॉचचे फीचर्स इंटरनेटवर याआधी लीक झाले आहेत. कंपनी आपल्या इयरपॉड्सची तिसरी पिढी AirPods 3 देखील ग्राहकांच्या भेटीला आणू शकते. तसेच जूनमध्ये आयोजित WWDC 2021 इव्हेंटच्या मंचावरून अ‍ॅप्पलने iOS 15 सादर केला होता, हे नवीन आयओएस व्हर्जन देखील 14 सप्टेंबरला अधिकृतपणे रोलआउट केले जाऊ शकते.