Amazon Summer Sale मध्ये विविध ऑफर्सचा पाऊस भर उन्हाळ्यात पडला आहे. हा सेल आजपासून अर्थात 4 मे 2022 पासून सुरु झाला आहे. या सेलमध्ये सर्वच प्रकारच्या वस्तू स्वस्तात विकल्या जात आहेत. त्यामुळे तुम्ही नवीन 5G स्मार्टफोन विकत घेण्याचा विचार करत असाल तर इथे तुम्हाला भन्नाट डील्स मिळतील. Redmi Note 10T 5G स्मार्टफोन या सेलमध्ये 16,999 रुपयांच्या ऐवजी 749 रुपयांमध्ये विकत घेता येईल.
Redmi Note 10T 5G वरील ऑफर
Redmi Note 10T 5G स्मार्टफोन जेव्हा भारतात लाँच झाला होता तेव्हा या डिवाइसची किंमत 16,999 रुपये ठेवण्यात आली होती. परंतु अॅमेझॉनच्या उन्हाळी सेलमध्ये हा फोन 3 हजार रुपयांच्या डिस्काउंटनंतर 13,999 रुपयांमध्ये उपलब्ध झाला आहे. या हँडसेटवर 12,250 रुपयांची एक्सचेंज ऑफर देखील दिली जात आहे. त्यामुळे जुना मोबाईल देऊन तुम्ही हा नवा फोन 749 रुपयांमध्ये घरी आणू शकता. अर्थात यासाठी तुम्हाला योग्य जुना डिवाइस एक्सचेंज करावा लागेल.
जुना फोन न देता देखील Redmi Note 10T 5G स्मार्टफोनवर डिस्काउंट मिळवता येईल. फोनवर 1750 रुपयांचा कुपन डिस्काउंट दिला जात आहे. तसेच आयसीआयसीआय बँकेच्या कार्डवर 1000 रुपयांचा इन्स्टंट डिस्काउंट दिला जात आहे. या दोन्ही ऑफरमुळे Redmi Note 10T 5G ची किंमत फक्त 11,249 रुपये होईल.
Redmi Note 10T 5G चे स्पेसिफिकेशन्स
फोटोग्राफीसाठी रेडमी नोट 10टी 5जी फोनमध्ये ट्रिपल रियर कॅमेरा सेटअप देण्यात आला आहे. या सेटअपमध्ये 48 मेगापिक्सलचा मुख्य कॅमेरा मिळतो. त्याचबरोबर 2 मेगापिक्सलचा मॅक्रो कॅमेरा आणि 2 मेगापिक्सलचा डेप्थ कॅमेऱ्याचा समावेश करण्यात आला आहे. सेल्फी व व्हिडीओ कॉलिंगसाठी या फोनमध्ये 8 मेगापिक्सलचा कॅमेरा आहे.
Redmi Note 10T 5G स्मार्टफोनमध्ये 6.5 इंचाचा फुल-एचडी+ डिस्प्ले देण्यात आला आहे. हा डिस्प्ले 90 हर्ट्ज रिफ्रेश रेट आणि 1080×2400 पिक्सल रिजोल्यूशनला सपोर्ट करतो. या रेडमी फोनमध्ये मीडियाटेक डायमेंसिटी 700 प्रोसेसरसह Mali-G57 GPU देण्यात आला आहे. अँड्रॉइड 11 आधारित MIUI वर चालणारा हा फोन 6GB पर्यंतच्या रॅम आणि 128GB पर्यंतच्या स्टोरेजला सपोर्ट करतो.
5जी कनेक्टिव्हिटीसह या फोनमध्ये 4जी एलटीई, वाय-फाय, ब्लूटूथ 5.1, एनएफसी, यूएसबी टाइप-सी आणि 3.5 एमएम हेडफोन जॅक देखील मिळतो. Redmi Note 10T 5G मध्ये 5,000 एमएएचची बॅटरी मिळते, ही बॅटरी 18 वॉट फास्ट चार्जिंग टेक्नॉलॉजीसह येते. एकदा चार्ज केल्यावर हा फोन दोन दिवस चालेल, असा कंपनीने दावा केला आहे.