गेले कित्येक दिवस चर्चेत राहिलेला Tecno Pova 3 स्मार्टफोन भारतात लाँच करण्यात आला आहे. हा मोठी बॅटरी असलेला स्मार्टफोन बजेट फ्रेंडली किंमतीत सादर करण्यात आला आहे. फोन 7000mAh बॅटरी, 6GB RAM आणि 50MP कॅमेऱ्याला सपोर्ट करतो. चला जाणून घेऊया Tecno Pova 3 ची किंमत आणि फीचर्स.
Tecno Pova 3 ची किंमत
Tecno Pova 3 स्मार्टफोनचे दोन व्हेरिएंट भारतात सादर करण्यात आले आहेत. बेस व्हेरिएंटमध्ये 4GB RAM आणि 64GB स्टोरेज आहे. तर टॉप एन्ड मॉडेल 6GB RAM व 128GB स्टोरेजसह येईल. Amazon वर या मोबाईलचा बेस मॉडेल 11,499 रुपयांमध्ये विकत घेता येईल. 27 जूनला याची विक्री सुरु होतील. कंपनीनं ईको ब्लॅक आणि टेक सिल्वर असे दोन कलर व्हेरिएंट सादर केले आहेत.
Tecno Pova 3 चे स्पेसिफिकेशन्स
टेक्नोच्या या स्मार्टफोनमध्ये 6.9-इंचाची FHD+ LCD स्क्रीन 90Hz रिफ्रेश रेटसह देण्यात आली आहे. MediaTek Helio G88 प्रोसेसरची ताकद कंपनीनं या बजेट स्मार्टफोनला दिली आहे. सोबत 6GB पर्यंत रॅम आणि 5GB व्हर्च्युअल रॅम मिळून एकूण 11GB रॅमची ताकद देण्यात आली आहे. फोन 128GB पर्यंत स्टोरेजसह बाजारात येईल. जी मायक्रोएसडी कार्डच्या माध्यमातून वाढवता येईल. हा फोन अँड्रॉइड 11 वर चालतो.
Tecno Pova 3 च्या मागे ट्रिपल कॅमेरा सेटअप देण्यात आला आहे. यात 50MP चा प्रायमरी कॅमेरा, 2MP चे दोन ऑक्सिलरी सेन्सर देण्यात आले आहेत. तसेच फोनमध्ये 8MP चा सेल्फी शूटर कॅमेरा आहे. बेसिक कनेक्टिव्हिटी फिचर तर मिळतात परंतु सोबत साईड फिंगरप्रिंट सेन्सर आणि स्टिरियो स्पीकर देखील देण्यात आले आहेत. यातील 7000mAh ची बॅटरी सिंगल चार्जवर 48 तास वापरता येते, असा दावा करण्यात आला आहे.