Xiaomi सध्या आपल्या अल्ट्रा प्रीमियम स्मार्टफोन Xiaomi 12 Ultra वर काम करत आहे, जो कंपनीचा सर्वात शक्तिशाली स्मार्टफोन असेल. या हँडसेटच्या लाँचला अजून काही महिने जातील परंतु जर तुम्ही आता उपलब्ध असलेला शाओमीचा सर्वात शक्तिशाली स्मार्टफोन विकत घेण्याचा विचार करत असाल तर Xiaomi 12 Pro वर डिस्काउंट मिळत आहे. हा डिवाइस 12GB RAM, Snapdragon 8 Gen 1 आणि 120W फास्ट चार्जिंगसह बाजारात आला आहे.
Xiaomi 12 Pro Price and Offer
Xiaomi 12 Pro स्मार्टफोनच्या बेस व्हेरिएंटची किंमत 62999 रुपये आहेत. हा हँडसेट आता अ‍ॅमेझॉनवरून विकत घेताना ICICI बँकेच्या कार्डचा वापर केल्यास 6000 रुपयांचा डिस्काउंट दिला जात आहे. तसेच तुम्ही 4000 रुपयांची सूट कुपन वापरून मिळवू शकता. तसेच तुम्ही तुमचा जुना स्मार्टफोन एक्सचेंज करून आणखी बचत देखील करू शकता.
Xiaomi 12 Pro चे स्पेसिफिकेशन्स
शाओमी 12 प्रो स्मार्टफोनमध्ये 3200 × 1440 पिक्सल रिजोल्यूशन असलेल्या 6.73 इंचाचा 2के डिस्प्ले देण्यात आला आहे. हा डिस्प्ले 120 हर्ट्ज रिफ्रेश रेट आणि 480 हर्ट्ज टच सॅम्पलिंग रेटला सपोर्ट करतो. हा ई5 अ‍ॅमोलेड एलटीपीओ 2.0 पॅनल इन-डिस्प्ले फिंगरप्रिंट सेन्सर आणि कोर्निंग गोरिल्ला विक्टसच्या सुरक्षेसह बाजारात आला आहे. हा फोन 10बिट कलर आणि 1500निट्स ब्राईटनेसला सपोर्ट करतो.
फोटोग्राफीसाठी शाओमी 12 प्रो मध्ये ट्रिपल रियर कॅमेरा देण्यात आला आहे. यात 50 मेगापिक्सल सोनी आयएमएक्स707 7पी लेन्स मुख्य सेन्सरचे काम करते. सोबत 50 मेगापिक्सलची टेलीफोटो लेन्स आणि 50 मेगापिक्सलचाची अल्ट्रा वाईड अँगल लेन्स देण्यात आली आहे. हा फोन 32 मेगापिक्सलच्या फ्रंट कॅमेऱ्याला सपोर्ट करतो.
पावर बॅकअपसाठी Xiaomi 12 Pro मध्ये 4,600एमएएच बॅटरी देण्यात आली आहे. यातील 120वॉट फास्ट चार्जिंग टेक्नॉलॉजीला हा फोन मिनिटांत फुल चार्ज करेल. हा फोन फक्त 18 मिनिटांत 0 ते 100 टक्के पर्यंत चार्ज होईल, असा दावा कंपनीनं केला आहे. तसेच हा डिवाइस 50वॉट वायरलेस चार्जिंग आणि 10वॉट रिवर्स वायरलेस चार्जिंगला देखील सपोर्ट करतो.
Xiaomi 12 Pro लेटेस्ट अँड्रॉइड 12 ओएसवर आधारित नव्या कोऱ्या मीयुआय 13 वर चालतो. 3 गीगाहर्ट्ज क्लॉक स्पीड असलेल्या ऑक्टकोर प्रोसेसरसह 4 नॅनोमीटर फॅब्रिकेशनवर बनलेला क्वॉलकॉम स्नॅपड्रॅगन 8 जेन 1 चिपसेट या शाओमी 12 प्रो चा सर्वात मोठा आकर्षण बिंदू आहे. हा फोन 12 जीबी पर्यंतच्या रॅम आणि 256 जीबी स्टोरेजला सपोर्ट करतो.