नवी दिल्ली : आजकाल इंटरनेटच्या या युगात लोकांना जास्त पासवर्ड वापरावे लागतात. अशा परिस्थितीत, जर तुम्ही कोणताही सामान्य पासवर्ड ठेवला, तर तो हॅक होण्याची शक्यता देखील जास्त आहे. जेव्हाही तुम्ही पासवर्ड तयार करता तेव्हा सुपरहिरोसारख्या नावांसह पासवर्ड कधीही तयार करू नका, असे मोझिला फाउंडेशनच्या (Mozilla Foundation) एका रिपोर्टमध्ये असे म्हटले आहे.
याचबरोबर, या रिपोर्टमध्ये अशाप्रकारे पासवर्ड तयार न बनवण्याचा सल्ला देण्यात आला आहे. अनेक इंटरनेट युजर्स असे पासवर्ड खूप वेळा वापरतात. ज्याद्वारे हॅकर्स युजर्संच्या डेटापर्यंत सहज पोहोचतात, असेही या रिपोर्टमध्ये म्हटले आहे.
Haveibeenpwned.com च्या आकडेवारीच्या आधारावर केलेल्या स्टडीनुसार, असे समजते की सुपरहीरो नाव असलेले पासवर्ड सर्वात हॅक केलेल्या अकाउंट्सपैकी एक आहेत. त्यामुळे असे पासवर्ड वापरणे टाळण्याचा सल्ला देण्यात आला आहे. याचबरोबर, असेही म्हटले गेले आहे की, पहिले नाव, जन्मतारीख किंवा 12345 आणि azerty सारखे शब्द सर्वात जास्त पासवर्ड म्हणून वापरले जातात. हॅकर्ससाठी ही नावे सर्वाधिक पॉप्युलर आहेत.
सर्वात जास्त हॅक होणारे 10 पासवर्ड...–Superman–Batman–Spider-Man–Wolverine–Iron Man–Wonder Woman–Daredevil–Thor–Black Widow–Black Panther
वर दिलेल्या शब्दांसारखे पासवर्ड सर्वात जास्त हॅक केले जातात. त्याचबरोबर James Howlett/Logan, Clark Kent, Bruce Wayne आणि Peter Parker पासवर्डही पटकन हॅक होतात. कोणत्याही परिस्थितीत, पासवर्ड जितका गुंतागुंतीचा असेल तितका तो हॅक करणे अधिक कठीण आहे. यामध्ये संख्या आणि अक्षरे मिसळणे खूप कठीण होते.
यासह, NordPass च्या वार्षिक रिपोर्टमध्ये वर्ष 2020 मध्ये सर्वाधिक वापरलेले पासवर्ड उघड झाले आहेत. NordPass ने आपल्या रिपोर्टमध्ये म्हटले आहे की, 2020 मध्ये 123456 हा सर्वात सामान्य पासवर्ड होता आणि तो 23 दशलक्ष लोकांनी वापरला होता.123456 च्या नंतर 123456789 हा दुसरा सर्वात सामान्य पासवर्ड होता. तर picture1 हा तिसरा सामान्य पासवर्ड होता.
NordPass ने या आठवड्याच्या सुरुवातीला आपला रिपोर्ट जाहीर केला. ज्यात सुमारे 200 सामान्य पासवर्डबाबत खुलासा केला होता. त्यात म्हटले आहे की, काही पासवर्ड क्रॅक होण्यास 3 वर्षे लागतात आणि काही पासवर्ड क्रॅक होण्यास 1 सेकंदापेक्षा कमी लागतो.