अक्कलकोटमध्ये डॉक्टरांच्या घरी चोरी

नवीन राजवाडाजवळ प्रमिला पार्क येथे अनेक दिवसांपासून बालरोगतज्ज्ञ डॉ. दीपक पाटील राहतात. नेहमीप्रमाणे घटना घडलेल्या दिवशी पहाटे ६.३० वाजता ते वॉकिंगला गेले होते. ८ वाजता परत आले होते. सकाळी ९ वाजता हॉस्पिटलमध्ये काम करणारा मैनोदीन तांबोळी यांनी मोबाईल करून सांगितले की, हॉस्पिटलमध्ये आवारात लेडिज पर्स व पॉकेट पडल्याचे सांगितले. त्यावरून येऊन पाहिले असता, आमचीच असल्याची खात्री डॉक्टर पाटील यांना झाली. त्यानंतर पाहिले असता, घरातील सोन्याच्या दागिन्यांसह रोख रक्कम १० हजार रुपये असा एकूण २ लाख ४५ हजार रुपये किमतीचा मुद्देमाल अज्ञात चोरट्याने चोरून नेला. याबाबत डॉ. पाटील यांनी फिर्याद दिली आहे. अधिक तपास सहा. पोलीस निरीक्षक देवेंद्र राठोड हे करीत आहेत.