पीकविम्यासाठी किसान मोर्चातर्फे खासदारांना निवेदन

सरकारने शेतकऱ्यांवर येणाऱ्या नैसर्गिक संकटात मदत मिळावी, यासाठी हवामानावर आधारित प्रधानमंत्री पीकविमा योजना लागू केली. या योजनेमध्ये शेतकऱ्यांनी ४० टक्के रक्कम व ६० टक्के रक्कम सरकारने विमा कंपनीकडे भरण्याचे ठरल्याने शेतकऱ्यांनी आपली रक्कम बँकांमध्ये जमा केली होती. यावर्षी सोलापूर, सातारा व जळगाव या जिल्ह्यांसाठी भारती ॲक्सा जनरल इन्शुरन्स कंपनीची नियुक्ती केली आहे. आतापर्यंत या कंपनीने कोणत्याही प्रकारचा पीकविमा शेतकऱ्यांना दिलेला नाही. तरी माढा लोकसभेचे खासदार या नात्याने आपण स्वत: लक्ष घालून शेतकऱ्यांना न्याय द्यावा, अशी मागणी पत्राद्वारे किसान मोर्चाचे जिल्हाध्यक्ष बाळासाहेब सरगर यांनी खासदार रणजितसिंह निंबाळकर यांना दिले.

फोटो :::::::::::::::::::::

शेतकऱ्यांच्या तक्रारीबाबत निवेदन देताना जिल्हा भाजप किसान मोर्चाचे अध्यक्ष बाळासाहेब सरगर व अन्य.