- विलास जळकोटकर सोलापूर - टेबल आणण्यासाठी म्हणून घरातून बाहेर पडलेल्या तरुणाला काय माहिती काळ त्याची वाट पाहतोय. काही अंतरावर सिमेंट मिक्सर ट्रकनं त्याला पाठिमागून उडवलं. तो थेट चाकाखाली अडकून जागीच ठार झाला. नई जिंदगीतील अमन हॉटेल ते मजरेवाडी मार्गावरील समदानी लाकूड अड्ड्याकडे जाणाऱ्या रस्त्यावर शनिवारी सकाळी दहाच्या सुमारास हा अपघात झाला. म. गौस रफिक नदाफ (वय २२, रा. कुर्बान हुसेन नगर, उत्तर सदर बझार) असे ठार झालेल्या तरुणाचे नाव आहे.
मिळालेली माहिती असी की, म. गौस हा सकाळी नित्यनेम करुन शनिवारी सकाळी मित्रासह दुचाकीवरून मजरेवाडी येथून टेबल आणण्यासाठी बाहेर पडला होता. नई जिंदगी परिसरातील अमन हॉटेलपासून तो समदाना लाकूड अड्डा रोडमार्गे जात होता. अचानक अड्ड्यासमोरील रस्त्यावर पाठीमागून सुसाट आलेल्या सिमेंट क्राँक्रिट मिक्सरच्या ट्रकनं त्याला उडवले. अनपेक्षित घडलेल्या या घटनेनं यात त्याचा तोल गेल्यामुळे तो ट॒कच्या चाकाखाली अडकला.
यात गंभीर जखमी झाला. रस्त्यावर रक्तबंबाळ अवस्थेत त्याचा देह पडला. काही क्षणातच त्याचा जागीच मृत्यू झाला. दरम्यान पाठीमागे बसलेल्या तरुणाला कोणतीही इजा झालेली नसल्याचे सांगण्यात आले. या घटनेची नोंद सिव्हील पोलीस चौकोत झाली आहे.