- आप्पासाहेब पाटील सोलापूर : शहरातील अक्कलकोट रोडवरील एमआयडीसी कारखान्यांमध्ये एका टॉवेल कारखान्याला आग लागली. या तीन कामगारांचा मृत्यू झाल्याची घटना बुधवारी सकाळी घडली.
सोलापूर - अक्कलकोट रोडवर एमआयडीसीमध्ये एक टॉवेल कारखाना आहे. या कारखान्याला बुधवारी सकाळी पाच वाजण्याच्या सुमारास अचानक आग लागली. कारखान्याच्या वरच्या बाजूस काही कामगार राहत होते. कारखान्यातील टॉवेल कच्चामाल व कागदी पुट्ट्याला मोठी आग लागल्याने कारखान्याचे मोठे नुकसान झाले. स्वयंपाक करत असताना गॅस लिकेज झाल्यामुळे कामगारांचा मृत्यू झाल्याची प्राथमिक माहिती महापालिकेच्या अग्निशामक विभागाने दिली. घटनेची माहिती मिळताच शहर पोलीस दलातील वरिष्ठ पोलीस व महापालिकेचे यंत्रणा घटनास्थळी दाखल झाली आहे.