तंटामुक्त अध्यक्षाचा भलताच राडा; दारूच्या नशेत पोलिसांवर हल्ला

दक्षिण सोलापूर तालुक्यातील औज गावातील घटना

ठळक मुद्देवळसंग पोलीस ठाण्यात गुन्हा दाखलपोलिसांना मारहाण करणारा अटकेत

सोलापूर : दक्षिण सोलापूर तालुक्यातील औज येथील तंटामुक्त अध्यक्षाने दारूच्या नशेत पोलिसांवर हल्ला केला. हा प्रकार शनिवारी रात्री ८ वाजता घडला.

रामदास सलगर पाटील हा गावच्या तंटामुक्त समितीचा अध्यक्ष आहे. शनिवारी सायंकाळी न्यायालयाकडुन आलेल्या समन्सच्या कारणावरून पोपट पाटील व रामदास सलगर-पाटील यांच्यात भांडणे झाली होती. याची तक्रार आल्यानंतर सपोनि जाधव व अन्य पोलीस कर्मचाीर गावात गेले. तेथे झालेल्या प्रकाराची माहिती घेतल्यानंतर पोलीस पाटील रामदास सलगर-पाटील यांना बोलावण्यासाठी पो. कॉ. दिनेश पवार व अन्य तिन पोलीस कर्मचारी गेले.

दारात पोलीस आले आहेत म्हटल्यानंतर रामदास सलगर-पाटील हा घरातुन बाहेर आला. तो दारूच्या नशेत होता, त्याला पोलिसांनी भांडणे का केली असे विचारले असता त्याने पो.कॉ. दिनेश पवार यांच्या अंगावर जाऊन लाथाबुक्याने मारहाण केली. या प्रकरणी वळसंग पोलीस ठाण्यात गुन्हा दाखल झाला आहे.