Solapur (Marathi News)

सोलापूर : भीमा उजनी प्रकल्पाच्या पाणी वापर फेरनियोजनात इंदापूरच्या लाकडी-निबोंडी उपसा सिंचन योजनेसाठी ०.९० टीएमसी पाण्याची तरतूद करण्यात आली आहे, अशी माहिती भीमा कालवा मंडळाचे सहायक अधीक्षक अभियंता यू. आर. जानराव यांनी दिली आहे.सन २००४ मध्ये उजनी प्रकल्पास द्वितीय सुधारित प्रशासकीय मान्यता प्राप्त देण्यात आली होती. या अहवालामध्ये लाकडी-निंबोडी उपसा सिंचन योजनेसाठी ०.९० टीएमसी म्हणजेच २५.४८४ दलघमी इतक्या पाणी वापराची तरतूद करण्यात आली होती. तसेच प्रवाही कालव्याच्या लाभक्षेत्रासाठी ३२.१५ टीएमसी म्हणजेच ९१०.३३ दलघमी इतक्या पाणी वापराची तरतूद होती. सन २०१४ मध्ये मंगळवेढा उपसा सिंचन योजनेस शासनाने प्रशासकीय मान्यता दिली. या योजनेसाठी २.०४ टीएमसी म्हणजेच ५७.७६३ दलघमी पाणी वापराची तरतूद करण्यात आलेली होती. सन २०१९ मध्ये उजनी प्रकल्पाच्या तृतीय सुधारित मान्यतेमध्ये लाकडी-निंबोडी उपसा सिंचन योजनेसाठी ०.९० टीएमसी २५.४८४ दलघमीऐवजी ०.५७ टीएमसी १६.१४० दलघमी व मंगळवेढा उपसा सिंचन योजनेसाठी १.०१ टीएमसी २८.५९८ दलघमी तरतूद केली होती. तसेच प्रवाही कालव्याच्या लाभक्षेत्रासाठी ३४.५१ टीएमसी म्हणजे ९७७.१५१ दलघमी इतक्या पाणी वापराची तरतूद हाेती.-----आता असा केला बदलउजनी प्रकल्पाच्या लाभक्षेत्रात असणाऱ्या भीमा, सीना व माण नदीवरील कोल्हापूर पद्धतीचे बंधाऱ्यामुळे उजनी प्रकल्पाच्या कालवा क्षेत्रातील लाभक्षेत्र आच्छादित होत आहे. बंधाऱ्यामुळे ज्या भागात नदीवरून सिंचन होत आहे, अशा आच्छादित क्षेत्राचा अभ्यास करून ६ ऑक्टोबर रोजी भीमा उजनी प्रकल्पाच्या उपलब्ध पाण्याचे फेरनियोजन करण्यात आले आहे.द्वितीय अहवाल मान्य केलानवीन नियोजनानुसार उजनी प्रकल्पाचा द्वितीय सुधारित मान्यता अहवालातील मान्यतेनुसार लाकडी-निंबोडी उपसा सिंचन योजनेसाठी ०.९० टीएमसी व मंगळवेढा उपसा सिंचन योजनेला शासनाने दिलेल्या प्रशासकीय मान्यतेनुसार २.०४ टीएमसी अशी तरतूद पुनर्स्थापित ठेवण्यात आलेली आहे.लवादाची बाधा नाहीभीमा प्रकल्पाच्या सुधारित मंजूर जलनियोजनामुळे कृष्णा पाणी तंटा लवाद-१ यांनी भीमा प्रकल्पास मंजूर केलेल्या एकूण पाणी नियोजनात कोणताही बदल होत नाही, असे स्पष्टीकरण जानराव यांनी दिले आहे.आघाडीने पुन्हा दिलेमंगळवेढा व लाकडी निंबोडी उपसा सिंचन योजनेस तरतूद केलेले पाणी युती सरकारच्या काळात कमी करण्यात आले होते. आता नव्या बदलात पूर्वीचीच तरतूद महाविकास आघाडी सरकारने पुनर्स्थापित केली आहे. भाजपने कमी केलेले पाणी महाविकास आघाडीने कायम केले आहे.

Solapur (Marathi News)

विवाह नोंदणीसाठी उभारणी २५ ठिकाणी माहिती केंद्रे ...

दारू विक्रेत्या कुटुंबानं पुसून टाकली विचित्र ओळख ...

सोलापूर जिल्हा परिषद समाजकल्याणची योजना : दलितवस्ती विकास योजनेसाठी आले १६ कोटी ...

हालचाली सुरू : ७५ टक्के मतदार पात्र असतील तर हाेणार निवडणूक ...

पोलीस अधीक्षकांची माहिती; बॉर्डरवरून भाविकांना पोलीस परत पाठविणार ...

सोलापूर महापालिका आयुक्तांचा इशारा: घराेघरी जाऊन लस देण्याचे नियाेजन ...

सोलापूर शहर पोलिस दलातील नूतन पोलीस आयुक्त हरिश बैजल यांनी साधला पत्रकारांशी संवाद... ...

सुधीर खरटमल, नलिनी चंदेले यांचा राष्ट्रवादी प्रवेशावर आमदार प्रणिती शिंदे यांचे उत्तर ...

लसीकरण वाढले : राज्यात पाचव्या क्रमांकावर सोलापूर ...

मंगळेढ्यालाही वाढविली : कोल्हापूर बंधारा क्षेत्रातील कालव्याचे पाणी बंद होणार ...