सोलापूर : एसटी बस हयगयीने चालवून ब्रह्मदेव मासाळ (वय ६०) या पायी चालत जाणाऱ्या वृद्धास जोराची धडक देऊन त्यांच्या मृत्यूस कारणीभूत ठरल्याप्रकरणी बसचालक शंकर बाबर (रा. बोराळे) यांच्या विरुद्ध गुन्हा दाखल झाला आहे.
पोलिस सूत्रांनी दिलेली माहिती अशी, २ ऑगस्ट रोजी सायंकाळी पावणेपाच वाजता यातील फिर्यादी बिराप्पा मासाळ (वय २२, रा. आसबेवाडी) यांचे वडील तथा मयत ब्रह्मदेव मासाळ दळण आणण्यासाठी पायी चालत घरातून आसबेवाडीकडे जात असताना मंगळवेढा आगाराची एस.टी. बस क्रमांक एम.एच. २० बी.एल. ००८४ मंगळवेढा-आसबेवाडी ही पुढे सलगरकडे जात असताना समोरून वृद्धास जोराची धडक दिली. तेव्हा नंदू कोळेकर, हरी मासाळ, नवनाथ आसबे आदींनी त्यांना खाजगी वाहनाने सांगोला येथील एका हॉस्पिटलमध्ये दाखल केले उपचारादरम्यान त्यांचा मृत्यू झाला.