- अशोक कांबळेलोकमत न्यूज नेटवर्कमोहोळ (सोलापूर) : कुत्रा म्हणजे इमानदार प्राणी. त्याच्याएवढा प्रामाणिक दुसरा कुठलाही प्राणी नाही, असे म्हटले जाते. एखाद्या घरमालकाने कुत्र्याला जीव लावला तर तो आपल्या जिवाची पर्वा न करीत नाही. याचा प्रत्यय नुकताच वडवळ येथे आला.
तानाजी पवार या शेतकऱ्याचा नऊ दिवसांपूर्वी मृत्यू झाला. ज्या स्मशानभूमीत त्यांच्या पार्थिवावर अंत्यसंस्कार करण्यात आले, तेथेच त्यांचा कुत्रा गेल्या नऊ दिवसांपासून हताशपणे बसून आहे.
काहींनी सोबत नेण्याचा प्रयत्न केला पण कुत्रा तेथून जाण्यास तयार नाही. वडवळ येथील शेतकरी तानाजी सदाशिव पवार यांची जेमतेम दोन एकर शेती आहे. पत्नी, मुलासह वस्तीवर राहणाऱ्या तानाजी पवार यांचा अल्पशा आजाराने ७ ऑक्टोबर रोजी मृत्यू झाला. नातेवाइकांनी त्यांच्या पार्थिवावर वडवळ येथीलस्मशानभूमीत अंत्यसंस्कार केले.
जिवाला जीव लावणारा तानाजी पवार यांचा कुत्रा मालकाला गेले नऊ दिवस स्मशानभूमीतच बसून आहे. काहींनी त्याला सोबत घेऊन जाण्याचा प्रयत्न केला. मात्र, गेला नाही. मन विषण्ण करणारे हे चित्र आहे. वडवळ येथील नागरिकांमध्ये हा चर्चेचा विषय झाला आहे. या मुक्या प्राण्याविषयी प्रत्येक ग्रामस्थाच्या मनात दयाभाव आहे.
Web Summary : A farmer's dog in Wadwal has remained at his owner's cremation ground for nine days after his death. Despite attempts to move him, the loyal dog refuses to leave, showcasing unwavering devotion.
Web Summary : वडवल में एक किसान के कुत्ते ने मालिक की मृत्यु के बाद नौ दिनों तक श्मशान घाट पर ही डेरा जमाए रखा। हटाने के प्रयासों के बावजूद, वफादार कुत्ता जाने से इनकार कर रहा है, जो अटूट भक्ति का प्रदर्शन कर रहा है।