आप्पासाहेब पाटील, सोलापूर : माढा लोकसभा मतदारसंघासाठी आज सकाळी सोलापुरातील रामवाडी गोदामात मतमोजणीला प्रारंभ झाला. टपाली व पहिल्या फेरीचे राष्ट्रवादी शरद पवार गटाचे उमेदवार धैर्यशील मोहिते पाटील हे पाच हजार मताधिक्याने आघाडीवर असल्याची माहिती समोर आली.
माढा लोकसभा मतदारसंघात भाजपकडून रणजितसिंह नाईक- निंबाळकर व शरद पवार गटाचे धैर्यशील मोहिते पाटील यांच्यात अटीतटीची लढत झाली. एक्झिट पोलच्या अंदाजानुसार शरद पवार गटाचे धैर्यशील मोहिते पाटील हे विजयी होतील असा अंदाज वर्तविला गेला असला तरी शेवटच्या फेरीपर्यंत निकालाची उत्सुकता लागून राहणार आहे. सुरुवातीला पोस्टल मतमोजणी करण्यात आली त्यानंतर पहिल्या फेरीमध्ये माढा मतदारसंघातील तीन विधानसभा मतदारसंघातील मतपेट्या मतमोजणी घेण्यात आल्या