सोलापूर - भरधाव वेगात निघालेल्या मालट्रकने समोरून येणार्या कारला जोराची धडक दिली. या धडकेत कार चालकासह दोन लहान मुलींचा जागीच मृत्यू झाला आहे. याच घटनेत १३ जण जखमी झाल्याची घटना सांगोल्याजवळील सांगोला-मिरज रोडवरील करांडेवाडी फाट्याजवळ घडली.
दरम्यान, या अपघातानंतर मालट्रक चालक ट्रक जागेवरच सोडून पळून गेला आहे. मृत व जखमी हे गुलबर्गा जिल्ह्यातील असल्याची माहिती पोलिसांनी दिली. या अपघाताची माहिती मिळताच पोलीस घटनास्थळी दाखल झाले.