ठळक मुद्देसोलापूर शहरातील डफरीन चौकातील घटनाया घटनेची माहिती मिळताच सोलापूर शहर पोलीस दलातील वरिष्ठ पोलीस अधिकारी घटनास्थळी दाखलमॅरेथॉन स्पर्धा सुरू असताना घटना घडली
सोलापूर : डफरीन चौक येथे गॅसचे फुगे भरतांना टाकीचा स्फोट होऊन एका महिलेसह १४ वर्षाचा मुलगा जखमी झाल्याची प्राथमिक माहिती सूत्रांनी दिली.
याबाबत अधिक माहिती अशी की रविवारी पहाटे सोलापुरातील एका संस्थेकडून मॅरेथॉन स्पर्धेचे आयोजन करण्यात आलं होतं. मॅरेथॉन स्पर्धेसाठी या परिसरात सुमारे पाच हजारांहून अधिक धावपटू जमा झाले होते. अचानक गॅसचे फुगे भरताना टाकीचा स्फोट झाला आणि सर्वत्र एकच चर्चा सुरू झाली कशाचा आवाज आला.
या घटनेची माहिती मिळताच शहर पोलिस दलातील वरिष्ठ पोलिस अधिकाऱ्यांनी घटनास्थळी धाव घेतली. त्यानंतर बॉम्ब शोधक पथक घटनास्थळी दाखल झाले. हा स्फोट नेमका कशामुळे झाला त्याच्या मागील कारण काय हे अद्याप समजू शकलेले नसून पोलीस अधिक तपास करीत आहेत.