चार महिन्यांच्या गरोदर पत्नीला हाकलून दिले

पोलिसांनी गुन्हा नोंदवला

सोलापूर : पैशासाठी चार महिन्यांच्या गरोदर पत्नीचा पतीसह सासरच्या मंडळींनी छळ केला. एवढ्यावरच पतीने न थांबता दुसरा विवाहही उरकून टाकला. याप्रकरणी पतीसह चार जणांवर विजापूर नाका पोलिसांनी गुन्हा नोंदवला आहे.
नीता अविनाश साठे (वय-२०, रा. कस्तुरबा बाग, होटगी रोड, सोलापूर) हिने रीतसर फिर्याद दिली आहे. पती अविनाश, सासरा महादेव, सासू लक्ष्मी, (तिघे रा. कस्तुरबा बाग) आणि नणंद वंदना लोखंडे (रा. वडाळा, ता. उत्तर सोलापूर) अशी गुन्हा दाखल झालेल्या आरोपींची नावे आहेत़ लग्नात काढलेल्या फोटो अल्बमचे पैसे आणि मोटरसायकलचे हप्ते भरण्यासाठी माहेरहून पैसे आणण्यासाठी आरोपींनी लकडा लावला होता. पैसे न आणल्याने आरोपींनी तिचा शारीरिक आणि मानसिक छळ केला. त्यातच ती गरोदर असताना पतीने घराबाहेर काढले आणि दुसरा विवाह केला.