सोलापुरातील भीषण अपघातात पती-पत्नीचा जागीच मृत्यू
By Admin | Updated: January 3, 2017 15:55 IST2017-01-03T15:55:41+5:302017-01-03T15:55:41+5:30
सोलापूर-हैद्राबाद राष्ट्रीय महामार्गावर ट्रक आणि बाईकच्या झालेल्या भीषण अपघातात केत दाम्पत्याचा जागीच मृत्यू झाला.
सोलापुरातील भीषण अपघातात पती-पत्नीचा जागीच मृत्यू
ऑनलाइन लोकमत
सोलापूर, दि. 3 - सोलापूर-हैद्राबाद राष्ट्रीय महामार्गावर ट्रक आणि बाईकच्या झालेल्या भीषण अपघातात केत दाम्पत्याचा जागीच मृत्यू झाला. मंगळवारी दुपारी 1 वाजण्याच्या सुमारास विडी घरकुल परिसरात ही दुर्दैवी घटना घडली. नागनाथ केत (वय ६२) व निर्मला केत (वय ४८) हे दाम्पत्य मुळेगावातील रहिवासी आहेत.
हे दाम्पत्य सोलापूर शहरात बाजार करुन आपल्या गावी दुचाकीहून परतत असताना काळाने त्यांच्यावर घाला घातला. समोरुन भरधाव वेगाने येणा-या ट्रकने केत दाम्पत्याला चिरडले. यात दोघांचाही जागीच मृत्यू झाला. अपघातानंतर सोलापूर-हैद्राबाद राष्ट्रीय महामार्गावरील वाहतूक काही काळासाठी खोळंबली होती.
