२० जानेवारीपासून सर्वांना मिळणार पांडुरंगाचं दर्शन

श्री विठ्ठल- रुक्मिणी मंदिर समितीची बैठक सहअध्यक्ष ह.भ.प. गहिनीनाथ महाराज औसेकर यांच्या अध्यक्षतेखाली भक्त निवास येथे घेण्यात आली. भाविकांना विठ्ठलाचे दर्शन उपलब्ध करून देताना करावयाच्या उपाययोजना यावर चर्चा करण्यात आली. यावेळी मंदिर समितीचे कार्यकारी अधिकारी विठ्ठल जोशी, व्यवस्थापक बालाजी पुदलवाड, सदस्य संभाजी शिंदे, ह.भ.प. ज्ञानेश्वर महाराज जळगावकर- देशमुख, साधना भोसले यांच्यासह अन्य सदस्य उपस्थित होते.

१२ जानेवारीपासून रोज ८ हजार भाविकांना विठ्ठल- रुक्मिणी दर्शन देण्याची सोय करण्यात आली आहे. त्यांनतर २० जानेवारीपासून मंदिरात सर्वांना प्रवेश मिळेल. मात्र, कोरानाबाबतची सर्व नियमावली पाळण्यात येणार आहे. यामुळे लहान मुले, ६५ वर्षांपुढील नागरिक व गर्भवती महिलांना मंदिरात प्रवेश करता येणार नाही. त्याचबरोबरच भाविकांना ओळखपत्राची आवश्यकता असणार आहे. तसेच पूर्वीप्रमाणे ऑनलाइन पास बुकिंग करूनदेखील भाविक त्यांच्या वेळेनुसार दर्शनासाठी येऊ शकतात, असे सहअध्यक्ष ह.भ.प. गहिनीनाथ महाराज औसेकर सांगितले.

वोवसायाला मंदिरात बंदी

संक्रांतीनिमित्त स्थानिक महिलांना मंदिरात प्रवेश देण्यात येणार आहे; परंतु कोराना असल्यामुळे मंदिरात रुक्मिणी मातेला वोससण्यास बंदी घालण्यात आल्याचे मंदिर समितीचे कार्यकारी अधिकारी विठ्ठल जोशी यांनी सांगितले.

फोटो :::::::::::::::::::

श्री विठ्ठल- रुक्मिणी मंदिर समितीची बैठकीदरम्यान चर्चा करताना अधिकारी व पदाधिकारी.