करमाळ्यात सात जणांना कोरोना; एकाचा मृत्यू

करमाळा शहरात झपाट्याने कोरोना वाढत असल्याचे स्पष्ट झाले आहे.

कोरोना संपत चालला असे वाटत असतानाच पुन्हा एकदा कोरोनाचे रुग्ण झपाट्याने वाढत आहेत. मंगळवारी तपासणी करून घेणाऱ्या २० जणांपैकी ७ जण बाधित आल्यामुळे चिंतेचे वातावरण निर्माण झाले आहे.

याबाबत बोलताना वैद्यकीय अधिकारी डॉक्टर अमोल डुकरे म्हणाले की, करमाळा शहर व तालुक्यातील जनता पाहिजे तेवढी काळजी घेत नाहीत. मंगळवारच्या अहवालामुळे आम्हीही चिंतीत आहोत. आता जनतेने काळजी घेणे गरजेचे आहे. ६० वर्षावरील जेष्ठ नागरिकांना कोरोना लस देण्यासाठी जेऊर व कोर्टी या दोन ठिकाणी केंद्रे उभारली असून, करमाळा कुटीर रुग्णालयात कर्मचाऱ्यांची कमतरता असल्यामुळे या ठिकाणी अजून सुरुवात केली नाही.

---