सोलापूर : लोकमंगल फाउंडेशनच्या वतीने रविवार १८ नोव्हेंबर रोजी सायंकाळी ६.१५ वाजता या गोरज मुहूर्तावर लोकमंगल सर्वधर्मीय सामुदायिक विवाह सोहळा संपन्न होणार आहे. या मंगलमय उपक्रमात सर्वधर्मीय १०७ वधू-वरांच्या रेशीमगाठी बांधल्या जाणार आहेत. हरीभाई देवकरण प्रशालेच्या प्रांगणाताील मंडपात हा सोहळा पार पडणार आहे. यासाठी ७ हजार स्वयंसेवक कार्यरत असणार असल्याची माहिती लोकमंगल उद्योग समुहाचे मनिष देशमुख, भाजपाचे जिल्हाध्यक्ष शहाजी पवार व राज्य बँकेचे संचालक अविनाश महागांवकर यांनी पत्रकार परिषदेत दिली.
लोकमंगल सामुदायिक विवाह सोहळ्यात श्री श्री श्री १००८ श्रीशैल जगदगुरू डॉ. चनसिद्ध पंडिताराध्य शिवाचार्य महास्वामीजी, महसुलमंत्री चंद्रकांत पाटील, सहकारमंत्री सुभाष देशमुख, भाजपाचे जिल्हाध्यक्ष शहाजी पवार, राज्य बँकेचे संचालक अविनाश महागांवकर, लोकमंगल फाउंडेशनचे अध्यक्ष रोहन देशमुख, उत्तर पं.स़ सदस्य इंद्रजित पवार यांच्यासह अन्य विविध समाजातील मान्यवर, पदाधिकारी मोठया संख्येने उपस्थित असणार आहेत.
यंदा या उपक्रमाचे १३ वे वर्ष असून हा सोहळा ३० वा आहे. यासाठी ७ हजार स्वयंसेवक कार्यरत असणार आहेत़ या तपपूर्तीत २ हजार ५९५ जोडप्यांचा विवाह लावण्यात आला आहे. यंदाच्याही या सोहळ्यात प्रथेप्रमाणे वधू-वरांना विवाहाचे कपडे, हळदीचे कपडे यासह ताट-वाटी, ग्लास प्रत्येकी ५ नग, बालकृष्णाची मूर्ती, स्टीलचा हंडा, स्टीलचा डबा, तांब्या असे संसारोपयोगी साहित्य दिले जाणार आहे. वºहाडींना भोजन, वधूंना मणी-मंगळसूत्र व जोडवे-बिचवे दिले जाणार आहेत.
वधू-वरांची शहरातून भव्य मिरवणूक काढली जाणार आहे़ आजपर्यंत २२३ मुलींच्या नावे ही ठेव ठेवण्यात आली आहे. या सोहळ्यातील जोडप्यांना त्यांच्या शिक्षणाप्रमाणे लोकमंगल परिवारात नोकरी दिली जाते तसेच व्यवसाय करू इच्छिणाºयांना कमी व्याजदरात कर्जही मिळवून दिले जाते. या विवाह सोहळ्यास शहर व जिल्'तील नागरिकांनी मोठया संख्येने उपस्थित राहुन नववधुवरांना शुभार्शिवाद द्यावा असे आवाहन लोकमंगल फाउंडेशनच्यावतीने करण्यात आले आहे.
या पत्रकार परिषदेस उत्तर सोलापूर पं स़ सदस्य इंद्रजित पवार, शरद जाधव, धनंजय पाटील, दिलीप पतंगे, अमोल गायकवाड, प्रभाकर माने, जितेंद्र लाड, बाळासाहेब देशमुख, चंद्रकांत साळुंखे, राहुल जाधव, अॅड़ विश्वास देशमुख, अॅड़ सुजित देशपांडे, या विवाह सोहळ्याचे समन्वयक संदीप पिस्के, अमृता कल्याणी, राहुल कोल्हटकर आदी उपस्थित होते.