पंढरपूर : खग्रास चंद्रग्रहण मंगळवार, ३ मार्च रोजी असल्याने विठ्ठल व रुक्मिणी मातेच्या नित्योपचार पूजाविधीच्या व वेळेत शास्त्रोक्त नियमानुसार आवश्यक बदल करण्यात येत असल्याचे मंदिर समितीचे सहअध्यक्ष हभप गहिनीनाथ महाराज औसेकर यांनी सांगितले.
पंचांगानुसार ग्रहणाचा स्पर्श सायंकाळी ६:३४ वाजता असून, मोक्ष सायंकाळी ६:४८ वाजता आहे. पंढरपूर येथे सूर्यास्त सायंकाळी ६:३४ वाजता होत असल्याने सायंकाळी ६:३४ ते ६:४८ (एकूण १४ मिनिटे) या कालावधीत ग्रहण नियम पाळण्यात येणार आहेत.
ग्रहण काळातील प्रमुख बदल पुढीलप्रमाणे: काकड आरती व नित्यपूजा पहाटे ४ ते ५:५५ वा. नेहमीप्रमाणे. महानैवेद्य सकाळी १०:४५ ते ११ वा. महानैवेद्यामध्ये नेहमीचा नैवेद्य दाखविण्यात येणार नाही. त्याऐवजी सुकामेवा नैवेद्य दाखविण्यात येईल.
पोशाख/दुपारचा नैवेद्य (४:३० ते ५ वा.) ग्रहणाचा वेध सुरू होणार असल्याने लाडूचा नैवेद्य दाखविण्यात येणार नाही. त्याऐवजी सुकामेवा दाखविण्यात येईल. ग्रहण स्पर्शानंतर (सायं. ६:३४ वा.) विठ्ठल व रुक्मिणी माता तसेच मंदिरातील व मंदिराबाहेरील सर्व परिवार देवतांना चंद्रभागा नदी (भीमा) नदीचे पाणी आणून स्नान घालण्यात येईल. ग्रहण मोक्षानंतर (सायं. ६:४८ वा.) सर्व देवतांना पुनः स्नान घालून शुद्धीकरण विधी पूर्ण करण्यात येईल.
धुपारती : रात्री ९:३० वा. शेजारती रात्री १२ वाजे नंतर नेहमीप्रमाणे होईल. खग्रास चंद्रग्रहणाच्या पार्श्वभूमीवर श्रींच्या नित्योपचारात वरीलप्रमाणे बदल करण्यात येत आहेत.
Web Summary : Due to the lunar eclipse on March 3rd, Vitthal Rukmini temple rituals will change. The temple will observe eclipse rules. Special dry fruit offerings will replace regular food. Post-eclipse, deities will be purified with Chandrabhaga river water, and daily rituals adjusted accordingly.
Web Summary : 3 मार्च को चंद्र ग्रहण के कारण, विट्ठल रुक्मिणी मंदिर की रस्मों में बदलाव होगा। मंदिर ग्रहण नियमों का पालन करेगा। सामान्य भोजन की जगह विशेष सूखे मेवे का भोग लगेगा। ग्रहण के बाद, चंद्रभागा नदी के पानी से देवताओं को शुद्ध किया जाएगा, और दैनिक रस्में तदनुसार समायोजित की जाएंगी।