सोलापूर : मंगळवेढा ते सोलापूर रोड येथे समोरासमोर दोन वाहनांची जोराची धडक होऊन दोघे जण जागीच ठार झाले आहेत तर चार जण गंभीर जखमी झाले आहेत. ही घटना आज शनिवारी सकाळी साडेपाच वाजता दामाजी कारखान्याच्या रोडच्या जवळ घडली.
सोलापूरहुन येणारी कार आणि सोलापूरकडे जाणाऱ्या टेम्पोचा समोरासमोर जोराची धडक होऊन कार गाडी मधील दोन जण जागीच ठार झाले आहेत तर चार जण गंभीर जखमी झाले आहेत. हे सर्व उमदी तालुका जत येथील असून उमदी गावातील सहा जण इस्तमासाठी औरंगाबाद येथे तीन दिवसापूर्वी गेले होते. हे हा कार्यक्रम संपवून रात्री उमदी गावाकडे परतत असताना हा अपघात झाला आहे. यामध्ये जैनुद्दिन काशीम यादगिरे (वय 40 रा. उमदी ता. जत) व मौलाना साजिद खान (वय 45 मुंबई, भिवंडी सध्या उमदी) हे दोघे जण जाग्यावरच मयत झाले आहेत. चारजण गंभीर जखमी झाले आहेत. यामध्ये कार गाडीचा चक्काचूर झाला आहे.