सोलापूर : मोहोळ - पंढरपूर मार्गावर सारोळे पाटीनजीक भीषण अपघात झाला. या अपघातात दोन जण ठार तर एक जण जखमी झाल्याची प्राथमिक माहिती मिळाली आहे. या अपघातात एका पोलिसाचा समावेश असल्याचे सांगण्यात आले.
मोहोळहून पंढरपूरकडे जाणारे रस्त्यावर सारोळे पाटीजवळ रस्त्याच्या कडेला ट्रक थांबला होता. या थांबलेल्या ट्रकला भरधाव वेगात आलेल्या कारने जोराची धडक दिली. या धडकेत दोन जण जागीच ठार झाले असून एक जण जखमी झाला आहे. या अपघातात सोलापूर ग्रामीण पोलिस मुख्यालयातील पोलिस कर्मचारी ठार झाल्याचे सांगण्यात आले. या अपघातानंतर मोहोळ पोलिस घटनास्थळी दाखल झाले असून जखमींना उपचारासाठी माेहोळ येथील शासकीय रूग्णालयात दाखल करण्यात आले आहे. या अपघातानंतर या मार्गावरील वाहतूक काहीकाळ ठप्प झाली आहे.