साेलापूर : महापालिकेतील माजी गटनेता आनंद चंदनशिवे, माजी सभापती गणेश पुजारी यांच्यासह समर्थकांनी बुधवारी मुंबईत राष्ट्रवादी काॅंग्रेस अजितदादा गटात प्रवेश केला. उपमुख्यमंत्री अजित पवार, प्रदेशाध्यक्ष सुनील तटकरे यांच्या उपस्थितीत हा प्रवेश झाला.
उपमुख्यमंत्री अजित पवार ३ फेब्रुवारी राेजी साेलापूर दाैऱ्यावर हाेते. या दिवशी ते आनंद चंदनशिवे यांच्या घरी जाणार हाेते. मात्र अजितदादांनी अखेरच्या क्षणी चंदनशिवे यांच्या घरी जाणे टाळले हाेते. यानंतर राष्ट्रवादीचे प्रदेशाध्यक्ष सुनील तटकरे यांनी आनंद चंदनशिवे यांना मुंबईला बाेलावून घेतले. चंदनशिवे यांनी प्रथम उपमुख्यमंत्री अजित पवार यांची भेट घेतली.
बुधवारी सायंकाळी सहा वाजता अजितदादा गटाच्या पक्ष कार्यालयात पक्ष प्रवेश कार्यक्रम झाला. यावेळी माजी सभापती गणेश पुजारी, सामाजिक कार्यकर्ते अविनाश भडकुंबे, चंद्रकांत सोनवणे यांच्यासह कार्यकर्त्यांनी अजितदादा गटात प्रवेश केला. या पक्ष प्रवेशावेळी राष्ट्रवादीचा शहरातील एकही कार्यकर्ता उपस्थित नव्हता. इंदापूरचे आमदार दत्तात्रय भरणे यांच्या माध्यमातून हा पक्ष प्रवेश झाल्याचे चंदनशिवे समर्थकांकडून सांगण्यात आले.