बसमध्ये चढताना २० हजारांचा खिसा कापला

करमाळा : शेतीच्या कामासाठी बँकेतून काढलेले २० हजार रुपये करमाळा एस.टी.बसस्थानकात एस.टी.बसमध्ये चढताना अज्ञात चोरट्याने खिसा कापून चोरून नेले, ही घटना मंगळवारी दुपारी दीड वाजता घडली.
व्यंकट विठोबा जगदाळे (वय-६३, रा.हिसरे, ता.करमाळा) यांनी जिल्हा मध्यवर्ती सहकारी बँक शाखा करमाळा येथून शेतीच्या कामासाठी २० हजार रुपये मंगळवारी दुपारी १.३० वा काढले आणि करमाळा बसस्थानकावर येऊन ते नाशिक-सोलापूर या एस.टी.बसमध्ये चढत असताना खूप गर्दी असल्याने या गर्दीचा फायदा घेऊन खिशात हात घालून अज्ञात चोरट्याने रक्कम काढून घेतली व पोबारा केला. या प्रकरणी व्यंकट जगदाळे याने पोलिसात फिर्याद दाखल केली असून, भादंवि ३७९अन्वये गुन्हा दाखल करण्यात आलेला आहे. या चोरीचा तपास हवालदार चव्हाण करीत आहेत. वार्ताहर.