उड्डाण पुलावरून पडल्याने १२ हरणांचा मृत्यू; सोलापूरजवळील घटना

नव्याने निर्माण झालेल्या केगाव ते विजापूर रोड या राष्ट्रीय महामार्गावर देशमुख वस्ती परिसरात ही घटना घडली आहे

सोलापूर : सोलापूर - पुणे राष्ट्रीय महामार्गावरील नव्याने तयार करण्यात आलेल्या विजापूर बायपास उड्डाणपुलावरून पडल्याने बारा हरणांचा दुर्दैवी मृत्यू झाल्याची घटना शनिवारी सायंकाळच्या सुमारास केगाव गावाजवळ घडली.

दरम्यान, नव्याने निर्माण झालेल्या केगाव ते विजापूर रोड या राष्ट्रीय महामार्गावर देशमुख वस्ती परिसरात ही घटना घडली आहे. प्रत्यक्षदर्शी नागरिकांनी दिलेल्या माहितीनुसार हरणांचा कळप पुलावरून खाली पडला आहे. घटनास्थळी बघ्यांची मोठी गर्दी झाली असून वन विभागाचे पथक दाखल झाले आहे. जवळपास १२ हरणांचा या घटनेत मृत्यू झाल्याचे नागरिकांकडून सांगण्यात आले.