प्रत्येकाच्या आयुष्यात सुख-दु:ख येत असतात. काहींना असंख्य अडचणींचा सामना करावा लागतो. ते परिस्थितीसमोर हार मानत नाहीत. या सर्व गोष्टींशी धीराने सामना करतात. प्रेरणा देणारे अनेक व्हिडीओ हे सोशल मीडियावर व्हायरल होत असतात. याच दरम्यान एक व्हिडीओ लोकांचं लक्ष वेधून घेत असून जोरदार व्हायरल होत आहे.
सोशल मीडियावर व्हायरल होत असलेला हा व्हिडीओ पाहून अनेक जण भावुक झाले आहे. काहींचे डोळे पाणावले आहेत. Zomato च्या डिलिव्हरी बॉयचा हा व्हिडीओ आहे. व्हिडिओच्या सुरुवातीला डिलिव्हरी बॉय स्कूटरवर बसलेला दिसत आहे. तो कुठेतरी डिलिव्हरी करायला जात आहे. याच वेळी पाठीमागे असणाऱ्या एका व्यक्तीने व्हिडीओ शूट केला. व्हिडीओ शूट केलेला व्यक्ती जेव्हा पुढे जातो. तेव्हा जे दिसतं ते पाहून सर्वांनाच धक्का बसतो.
स्कूटर चालवणाऱ्या डिलिव्हरी बॉयला दोन्ही हात नाहीत. असं असूनही डिलिव्हरी बॉय स्कूटरवरून जाताना दिसत आहे. डिलिव्हरी बॉयसमोर गेल्यावर ती व्यक्ती विचारते, "काका, तुम्ही ही गाडी चालवता?" या प्रश्नावर ती व्यक्ती भावूक झाली. यानंतर मागून आवाज येतो, "खूप छान काका… तुम्हाला पाहून खूप आनंद झाला..."
Royal.Shabd नावाच्या व्यक्तीने हा व्हिडीओ इन्स्टाग्रामवर शेअर केला आहे. आतापर्यंत ३ लाखांहून अधिक लोकांनी हा व्हिडीओ पाहिला आहे. अनेकांनी व्हिडिओवर कमेंट करून डिलिव्हरी बॉयचं कौतुक केलं आहे. सध्या सर्वत्र या व्हिडीओची जोरदार चर्चा रंगली आहे.