सोशल मिडियावर कोण काय प्रँक करेल याचा भरवसा नसतो. अनेकदा लोक अशी मस्करी करतात की समोरचा व्यक्ती पुरता घाबरून जातो. सध्या एका महिलेचा असाच एक व्हिडिओ व्हायरल (Funny Video Viral) होत आहे.
या व्यक्तीनं केलेल्या मस्करीमुळे समोरची मुलगी प्रचंड घाबरली. या व्यक्तीच्या मस्तीचा हा व्हिडिओ लोकांचं चांगलंच मनोरंजन करत आहे.व्हिडिओमध्ये पाहायला मिळतं, की एक व्यक्ती आपल्या कारमध्ये बसला आहे आणि त्यानं नकली जीभ लावली आहे. इतक्यात कारमध्ये एक महिला येऊन बसते. ती या व्यक्तीची बाहेर आलेली जीभ पाहून त्याची मस्करी करू लागते. ही महिला व्यक्तीच्या जीभेसोबत खेळू लागते आणि जीभ ओढते. इतक्यात ती नकली जीभ निघून महिलेच्या हातात येते आणि ही महिला प्रचंड घाबरते. ती इतकी घाबरते की जोरात ओरडू लागते.
हा व्हिडिओ पाहून तुम्ही हसू आवरू शकणार नाही. इन्स्टाग्रामवर हा व्हिडिओ hepgul5 नावाच्या अकाऊंटवरुन शेअर केला गेला आहे. हा प्रँक व्हिडिओ लोकांना खळखळून हसवत आहे. हा व्हिडिओ लोकांच्या पसंतीसही उतरत आहे. लोक हा व्हिडिओ एकमेकांसोबत शेअर करण्याबरोबरच यावर निरनिराळ्या कमेंटही करत आहेत