सोशल मीडियावर तुम्ही सक्रीय असाल तर अनेकदा तुम्हाला नवनवे व्हिडिओ पाहायला मिळत असतील. यातील काही व्हिडिओ नेटकऱ्यांचं मन जिंकतात आणि तुफान व्हायरल होतात. विशेषतः प्राण्यांच्या व्हिडिओ (Viral Videos of Animals) इंटरनेटवर मोठी पसंती मिळते. त्यातही पाळीव श्वान आणि मांजर यांचे व्हिडिओंना प्राणीप्रेमींची पहिली पसंती असते. सध्या अशाच एका मांजरीचा आणि श्वानाचा व्हिडिओ सोशल मीडियावर व्हायरल (Pet Animals Cute Videos) होत आहे. हा व्हिडिओ अतिशय मजेशीर आहे.
हा व्हिडिओ पाहून समजतं की प्रत्येकाला अटेन्शन हवं असतं आणि तितकंच प्रेमही. अनेकदा तुम्ही पाहिलं असेल की तुम्ही लहान मुलांकडे लक्ष दिलं नाही की तिच तुमच्या जवळ येतात आणि लळा लावू लागतात. असंच काहीसं सध्या व्हायरल होणाऱ्या व्हिडिओमध्येही पाहायला मिळतं.
व्हायरल होणाऱ्या व्हिडिओमध्ये तुम्ही पाहू शकता की एक महिला मांजरीचा लाड करताना दिसते आणि मांजरीला किस करण्यासाठी ती आपला चेहरा पुढे करू लागते. हे पाहून महिलेचा पाळीव श्वान अचानक मध्ये येतो आणि मांजरीच्या आधीच तो महिलेला किस करतो (Dog Kiss). श्वानाचा हा मजेशीर व्हिडिओ पाहून सगळेच तो अतिशय हुशार असल्याचं म्हणत आहेत.
श्वानाचा हा स्मार्टनेस पाहून सगळेच अवाक् झाले आहेत. हे दृश्य पाहून नेटकऱ्यांनी हसू आवरत नाहीये. यासोबत नेटकरी हा व्हिडिओ मोठ्या प्रमाणावर लाईक करत असून यावर निरनिराळ्या कमेंटही करत आहेत. अनेकांनी या व्हिडिओवर कमेंट करत लिहिलं, की संधी स्वतःकडे खेचून आणणं या श्वानाकडून शिकावं. आणखी एका यूजरने कमेंट करत लिहिलं की हा कुत्रा अतिशय स्मार्ट आहे. हा व्हिडिओ नेटकऱ्यांच्या किती पसंतीस उतरत आहे याचा अंदाज यावरुन लावता येईल की आतापर्यंत 5 मिलियनहून अधिकांनी हा व्हिडिओ लाईक केला आहे.