इंटरनेटचं जग इतकं अजब आहे की ते तुम्हाला रोज खळखळून हसण्याची अनेक कारणं देत असतं. इथे व्हायरल होणारे व्हिडिओ कधी कधी आपल्याला हैराण करतात, तर काहीवेळा असेही व्हिडिओ समोर येतात, जे पाहून आपल्याला हसू आवरत नाही. आजकाल असाच एक व्हिडिओ चर्चेचा विषय ठरत आहे. हा व्हिडिओ (Funny Video of Husband and Wife) पाहून नक्कीच तुम्हालाही हसू येईल. कारण यात एका पत्नीने आपल्या पतीसोबत झालेल्या वादानंतर पलंगावरच भिंत उभा केली.
नवरा-बायकोमध्ये भांडण (Husband wife Dispute) होणं ही काही नवीन गोष्ट नसली तरी काहीवेळा परिस्थिती इतकी अनियंत्रित होते की हाणामारीही होते. अशाच एका पती-पत्नीच्या भांडणानंतरचा मजेशीर व्हिडिओ सोशल मीडियावर सध्या व्हायरल होत आहे. लोक हा व्हिडिओ मोठ्या प्रमाणात शेअरही करत आहेत, कारण यात एक पत्नी भांडणानंतर थेट बेडवरच भिंत उभी करताना दिसते. हे पाहून सर्वांनाच आश्चर्याचा धक्का बसला.
व्हायरल होत असलेल्या व्हिडिओमध्ये तुम्ही पाहू शकता की, पती-पत्नी एकमेकांवर रागावलेले दिसत आहेत. यानंतर पत्नी बेडवर बसून स्वत:च्या आणि तिच्या शेजारीच बसलेल्या पतीच्या मध्ये विटांची भिंत बांधत आहे. या क्लिपमधील सर्वात आश्चर्याची गोष्ट म्हणजे ही भिंत मजबुत करण्यासाठी ती महिला विटा आणि सिमेंटचाही वापर करत आहे. तर शेजारी बसलेला पती पत्नीच्या या कृत्याने प्रचंड संतापलेला दिसत आहे. या दोघांना पाहून पतीसोबतच्या भांडणानंतर पत्नीने हा निर्णय घेतल्याचं जाणवतं.
rising.teching नावाच्या अकाऊंटवरून हा व्हिडिओ इंस्टाग्रामवर शेअर करण्यात आला आहे. व्हिडिओवर लोक निरनिराळ्या प्रतिक्रिया देत आहेत. एका यूजरने लिहिलं की, 'भिंत बांधण्याऐवजी त्यांनी एकमेकांशी बोललं पाहिजे.' तर दुसऱ्या यूजरने लिहिलं की, 'हे भांडण भिंत बांधून नव्हे तर संभाषणाने संपेल.' आणखी एका यूजरने लिहिलं, 'आधुनिक समस्येचं आधुनिक समाधान.' याशिवाय इतर अनेक युजर्सनी यावर आपली प्रतिक्रिया दिली आहे.