अलिकडे लोक रेकॉर्ड आपल्या नावावर काहीही करायला तयार होतात. मात्र, हे करत असताना त्यांचे कारनामे त्यांनाच महागात पडतात. फिट राहण्यासाठी जगभरातील लोक योगा करतात. यातही लोक वेगळे एक्स्परिमेंट करून इतरांपेक्षा वेगळं करण्याचा प्रयत्न करत असतात. एका महिलेसोबतही तसंच झालं आहे. एक व्हिडीओ व्हायरल झाला असून या महिलेला तिचा कारनामा कसा महागात पडला हे दिसून येत आहे.
सोशल मीडिया साइट ट्विटरवर हा व्हिडीओ व्हायरल झाला आहे. हा व्हि़डीओ पाहून तुम्ही पोट धरून हसू शकता आणि महिलेवर दयाही येऊ शकते. या व्हिडीओत बघू शकता की, एक महिला योगाची प्रॅक्टिस करत आहे. आता म्हणाल की यात काय? तर महिला काचेच्या दोन बॉटलवर बसून योगा करत ट्राय करत होती. मात्र तिचा अचानक तिचा बॅलन्स बिघडतो आणि महिला खाली पडते.
Hold My Beer नावाच्या ट्विटर अकाऊंटवर शेअर केला आहे. केवळ ५ सेकंदाचा हा व्हिडीओ पाहून लोक हसून हसून बेजार झाले आहेत. तर काही लोकांना महिलेवर दया येत आहे. हा व्हिडीओ पाहून हे लक्षात येतं की, जराशी चूक झाली की मोठी दुर्घटना घडते. महिलेचं नंतर काय झालं हे समजू शकलेलं नाही. मात्र, इतकं नक्की की, अनेकजणांना हे कळालं असेल की, असे उद्योग करू नये.
या व्हिडीओला आतापर्यंत ४३ हजारांपेक्षा जास्त व्ह्यूज मिळाले आहेत. अनेकजण वेगवेगळ्या कमेंट करत आहेत. अनेकांनी महिलेवर गमतीदार कमेंट केल्या आहेत. काही म्हणाले की, काही दिवस प्रॅक्टिस केल्यावर ती ही पोज नक्कीच करू शकेल.