Father Daughter Emotional Video: घरातील वडीलधारी मंडळी काबाडकष्ट करतात तेव्हा त्यांची काळजी घ्यायला मुलं कायमच पुढे सरसावतात. कामाच्या ओझ्याने दमलेल्या पुरूषाची काळजी घेण्यासाठी त्याची पत्नी कायमच अग्रणी असते. पण त्यासोबत, लेक आणि बापाचं नातं हे काही औरच असतं. सोशल मीडियावर असे अनेक व्हिडिओ असतात, ज्यात मुले आपल्या पालकांसाठी काहीही करण्यास तयार असतात. सध्या एक व्हिडिओ हजारो-लाखो लोकांच्या हृदयाला स्पर्श करून जातोय. नक्की काय आहे तो व्हिडीओ अन् काय होतं त्या व्हिडीओमध्ये जाणून घेऊया.
एका मुलीचे वडील दुकानात कामामुळे थकून झोपी गेलेले असतात. त्यावेळी त्याची चिमुरडी लेक तेथे येते आणि एक गोष्ट करते. वडिलांची झोपमोड होऊ नये म्हणून लेक ती कृती करून निघून जाते. पण जेव्हा वडील उठतात आणि लेकीचं प्रेम पाहून अक्षरश: लहान मुलासारखे ढसाढसा रडू लागतात. हे संपूर्ण दृश्य सीसीटीव्ही कॅमेऱ्यात कैद झाले असून आता ते व्हायरल होत आहे.
सोशल मीडियावर व्हायरल होत असलेल्या व्हिडिओमध्ये असे दिसून येते की वांग नावाचा एक व्यक्ती एका रेस्टॉरंटमध्ये त्याच्या दुकानात टेबलावर डोके ठेवून झोपलेला आहे. मिळालेल्या माहितीनुसार, कोरोना महामारीच्या काळात त्यांना खूप त्रास सहन करावा लागला होता. तेव्हापासून तो आपल्या कुटुंबासाठी खूप चिंतेत होता. इंस्टाग्रामवर पीपल नावाच्या अकाउंटने हा व्हिडिओ पोस्ट केला आहे. या हृदयस्पर्शी व्हिडिओमध्ये, वांग त्याच्या रेस्टॉरंटमध्ये विश्रांती घेताना दिसत आहे. जेव्हा तो झोपतो तेव्हा त्याची लहान मुलगी त्याच्या मागे येते आणि तिचे लहानसे जॅकेट त्याच्या अंगावर घालून निघून जाते.
काही काळानंतर, वांगला कळते की लेकीने तिच्या वडिलांच्या खांद्यावर जॅकेट घातले आणि ती निघून गेली. वडिलांना मदत करण्यासाठी त्याच्या मुलीने उचललेले छोटेसे पाऊल त्याच्या हृदयाला भिडते. सगळ्यांसाठी खंबीरपणे उभा राहणारा बाप अक्षरश: लहान मुलासारखा ढसाढसा रडू लागतो. या व्हिडीओने इंटरनेटवर अनेकांच्या हृदयाला स्पर्श केला. लोकांनी व्हिडीओच्या कमेंट बॉक्समध्ये मुलीचे आणि बापाचे नाते यावर बऱ्याच कौतुकाच्या गोष्टी लिहिल्या आहेत. हा व्हिडीओ सध्या तुफान चर्चेत आहे.