Cartwheel with High Heels Viral Video: सोशल मीडियावर काही दिवसांपूर्वी एक तरूणी हाय हिल्स घालून गाडी चालवतानाचा व्हिडिओ व्हायरल झाला होता. हाय हिल्स घालून सरळ चालणंही कित्येक तरूणींसाठी तारेवरची कसरत असते. पण सध्या सोशल मीडियावर (Social Media) व्हायरल होत असलेल्या व्हिडीओमध्ये एक मुलगी हाय हिल्स घालून आणि एका हातात काचेचा भरलेला ग्लास घेऊन अगदी सहजपणे कार्टव्हील करताना दिसत आहे.
व्हिडिओमध्ये ही कसरत करणाऱ्या मुलीचं नाव दिलनोजा आहे. ती एक कलाकार आणि आर्टिस्टिक कोऑर्डिनेटर आहे. दिलनोजा ही मूळची दुबईची आहे. ती अनेकदा तिच्या अप्रतिम अशा कसरतींनी सोशल मीडियावर वाहवा मिळवली आहे. त्यातच आता तिचा नवीन व्हिडीओ व्हायरल होत आहे. पाहा तो व्हिडीओ-
व्हायरल झालेल्या व्हिडिओमध्ये ती हाय हिल्स आणि क्रीम रंगाच्या टाईट ट्राऊसरमध्ये एका इमारतीच्या टेरेसवर कार्टव्हील करताना दिसत आहे. कार्टव्हील करत असताना एका हातात काचेचा ग्लास घेऊन ती ज्या पद्धतीने सुंदर कसरत करते, ती गोष्ट वाखाणण्याजोगी आहे. त्याहून आश्चर्यकारक गोष्ट म्हणजे ती ज्या वेगाने कार्टव्हील पूर्ण करते ते भल्याभल्यांनाही जमत नाही.