मागील काही दिवसांपासून इराण आणि अमेरिका युद्धामुळे होर्मुझ सामुद्रधुनी मार्ग बंद करण्यात आला आहे. याचा फटका आता जगाला बसण्यास सुरुवात झाली आहे. भारतातही गॅसचा मोठा तुटवडा पडण्यास सुरुवात झाली आहे. यामुळे आता खबरदारी म्हणून केंद्र सरकारने व्यावसायिक गॅस पुरवठा थांबवला आहे. यामुळे आता हॉटेल व्यावसायिकांचे मोठे नुकसान झाले आहे. दरम्यान, आता अनेक ठिकाणचे हॉटेल व्यावसायिक पुन्हा एकदा पारंपारिक चुलीकडे वळत आहेत, याबाबत एक सोशल मीडियावर व्हिडीओ व्हायरल झाला आहे.
या व्हिडीओमध्ये एक हॉटेल व्यावसायिक आपल्या हॉटेल समोर चुल तयार करत असल्याचे दिसत आहे. देशात गॅस मागील दहा वर्षापासून मोठ्या प्रमाणात वाढला आहे. या आधी देशातील अनेक हॉटेलमध्ये चुली पाहायला मिळत होत्या. हा व्हिडीओ सोशल मीडियावर व्हायरल झाला आहे.
केंद्र सरकारनेही ५ मार्चला अधिसूचना काढून व्यावसायिक वापराच्या एलपीजी गॅसवर निर्बंध आणले आहेत. त्यामुळे मुंबई, पुण्यासह देशभरात हॉटेल व्यावसायिकांना फटका बसला. सिलिंडर मिळण्यास विलंब होत असल्याने आणि भीतीमुळे नागिकांनी देखील मंगळवारी गॅस पुरवठा केंद्रांवर रांगा लावल्या होत्या.
मुंबईतील अनेक भागात व्यावसायिक एलपीजीचा तुटवडा जाणत आहे. त्याचा जवळपास ५० टक्के हॉटेल आणि रेस्टॉरंटला थेट फटका बसणार आहे. त्यातच लहान रेस्टॉरंटकडे एलपीजी गॅसचा मर्यादीत साठा आहे. येत्या दोन दिवसात गॅस पुरवठा सुरळीत न झाल्यास अनेक रेस्टॉरंट तात्पुरती बंद करावी लागण्याची शक्यता आहे.
Web Summary : Gas shortages, possibly due to Iran-US tensions, are hitting India. Commercial gas supply is restricted, forcing hotel owners to revert to traditional clay stoves. Many restaurants might temporarily close due to shortages.
Web Summary : ईरान-अमेरिका तनाव से गैस की कमी, भारत प्रभावित। व्यावसायिक गैस आपूर्ति बाधित, होटल मालिक पारंपरिक चूल्हे पर लौटे। कई रेस्टोरेंट अस्थायी रूप से बंद हो सकते हैं।