Groom Drinking Alcohal : भारतीय लग्नांमध्ये नेहमीच मजा-मस्ती असते. लग्नादरम्यान नवरी-नवरदेव सुद्धा मस्तीच्या मूडमध्ये असतात. ते मस्ती करण्याची कोणतीही संधी सोडत नाहीत. असाच एक व्हिडीओ समोर आला आहे. ज्यात नवरदेवाचे मित्र त्याला लपून दारू प्यायला देतात.
इंस्टाग्रामवर हा व्हिडीओ 'कानुमूरिरावी' द्वारे पोस्ट करण्यात आला होता आणि आता या व्हिडिओला आतापर्यंत 2.3 मिलियनपेक्षा जास्त व्ह्यूज मिळाले आहेत. व्हिडिओत तुम्ही बघू शकता की, नवरी-नवरदेव स्टेजवर उभे आहेत आणि नवरदेव सॉफ्ट ड्रिंकची एक छोटी बॉटल उघडून एक घोट पितो. पण त्याच्यावरील हावभाव काही सेकंदात बदलतात.
नवरदेवाला त्याच्या मित्रांनी केलेला कारभार लगेच लक्षात आला. त्याच्या मित्रांनी सॉफ्ट ड्रिंकच्या बॉटलमध्ये दारू मिक्स केली होती. ते पिताच नवरदेवाचे हावभाव बदलले होते. त्याचा चेहरा पाहून नवरीच्याही लक्षात येतं की, काही बरोबर नाहीये आणि ती नवरदेवाकडे रागाने बघते. पण नंतर हसते.
व्हिडिओत पूर्ण घटना सुरूवातीपासून दाखवण्यात आली आहे की, कशाप्रकारे नवरदेवाचे मित्र कोल्ड ड्रिंकच्या छोट्या बॉटलमध्ये दारू मिक्स करतात व त्याला देतात. जे पिऊन त्याचे हावभाव बदलतात. हा व्हिडीओ लाखो लोकांनी पाहिला आणि लोक यावर वेगवेगळ्या कमेंट्सही करत आहेत.