भारतीय लग्नांची आपलीच एक वेगळी मजा आहे. पारंपारिक रितीरिवाजांसोबतच मजा-मस्ती लग्न नेहमीसाठी लक्षात राहतात. अनेकदा लग्नात असंही बघायला मिळतं की, एकतर नवरी नाराज असते नाही तर नवरदेव नाराज असतो. असाच एक व्हिडीओ सध्या सोशल मीडियावर व्हायरल झाला आहे. ज्यात एका नवरीचा Attitude बघायला मिळतो आहे. हा व्हिडीओ पाहून तुम्ही पोट धरून तर हसालच सोबतच असाही विचार कराल की, नवरीचं लग्न जबरदस्ती लावून दिलं जात आहे.
इन्स्टाग्रामवर Tube.indian नावाच्या पेजने एक व्हिडीओ शेअर केला आहे. लग्नाच्या प्रत्येक व्हिडीओ प्रमाणे हाही खास आहे. फरक फक्त इतका आहे की, यात मजा-मस्ती किंवा लाजणारी नवरी नाही तर तिचं वेगळंच रूप बघायला मिळत आहे. या व्हिडीओत बघायला मिळतं की, स्टेजवर नवरी-नवरदेवासोबत आणखीही काही लोक आहेत. व्हिडीओत नवरी नवरदेवाला मिठाई भरवण्याचा प्रयत्न करते. पण तेव्हाच असं काही होतं की, सगळेच हैराण होतात. (हे पण बघा : Viral Video: बाबो! नवरदेवाला भर लग्नातच मेहुणीने केलं Kiss, भाओजीची बोलती झाली बंद...)
नवरी नवरदेवाला मिठाई चारण्यासाठी हात पुढे करते. आजूबाजूलाचे लोक बघून कदाचित नवरदेव लाजत असेल म्हणून कात नसेल. पण बराच वेळ होऊनही नवरीने समोर केलेली मिठाई नवरदेव खात नाही. त्यानंतर नवरीचा पारा असा काही चढतो की, ती सर्वांसमोर हातातील मिठाई बाजूला फेकते आणि हात खुर्चीला पुसते. आता नवरीचा हा अवतार पाहून नवरदेव घाबरला असणार यात दुमत नाही.