सध्या लग्नांचं सीझन सुरू आहे. लग्नात डान्स, खाणं-पिणं याशिवाय मजाच येत नाही. लग्नातील कितीतरी व्हिडीओ सोशल मीडियावर व्हायरल होत असतात. कधी अजब डान्सचे तर कधी लग्नातील भांडणाचे. सध्या एका नवरीच्या डान्सचा व्हिडीओ तूफान व्हायरल होत आहे. ज्यात नवरी बिनधास्त डान्स करताना दिसत आहे. जो बघून सगळेच हैराण झाले आहेत.
आधी नवरी लग्नात लाजून खाली बघत शांत राहत होत्या. पण आता ते दिवस गेलेत. आता तर लग्नांमध्ये नवरींचा बिनधास्त अंदाज बघायला मिळतो जो सगळ्यांना आवडतो. लग्नात नवरी-नवरदेवाने सोबत डान्स करणं तर कॉमन झालं आहे. अनेक त्यांचे व्हिडीओ व्हायरल होतात. असाच एक व्हिडीओ व्हायरल झाला आहे. पण यात फक्त नवरी आहे.
व्हायरल झालेल्या व्हिडीओत तुम्ही बघू शकता की, नवरी बिनधास्त डान्स करताना दिसत आहे. तिच्या गळ्यात हार आहे त्यामुळे वाटत आहे की, लग्न पार पडल्यावरचा हा व्हिडीओ आहे. 90 च्या दशकातील बॉबी देओल आणि प्रीति झिंटाच्या ‘नैयो-नैयो …’ गाण्यावर नवरी उड्या मारत डान्स करत आहे.
हा व्हिडीओ इन्स्टावर mp_yadav021 नावाच्या अकाऊंटवर शेअर करण्यात आला आहे. आतापर्यंत या व्हिडीओला 52.6 मिलियन म्हणजे 5.2 कोटी व्ह्यूज मिळाले आहेत. तर 16 लाखांपेक्षा जास्त लाइक्स मिळाले आहेत. लोक या व्हिडीओवर अनेक मजेदार कमेंट्सही करत आहेत.