बालपणी अनेकदा तुम्ही झाडांवर चढले असाल. बालपणी तर कितीही उंच झाड असूद्या त्याची भीती वाटत नाही. मुळात बालपणी आपल्यात एक वेगळाच विश्वास असतो. असो...आता हा विषय यासाठी कारण एका तरूणाचा झाडावर चढतानाचा एक व्हिडीओ व्हायरल झालाय. तुम्ही म्हणाल यात काय विशेष? तर हा तरूण झाडाच्या टोकावर इतक्या वेगाने जातो की, खारूताईने थांबावं आणि त्याला बघावं.
हा व्हिडीओ सोशल मीडियात व्हायरल झाला असून यात एक तरूण वाऱ्याच्या वेगाने किंवा असं म्हणूया की, माकडांच्या स्पीडने झाडाच्या टोकापर्यंत चढत गेला. हा व्हिडीओ टिकटॉक आणि ट्विटर दोन्हीकडे व्हायरल झालाय. पण हा तरूण कोण आहे याची काही माहिती मिळू शकली नाही.
काही असो या तरूणाच्या स्फूर्तीचं आणि त्याच्या विश्वासाचं सोशल मीडियातील लोक भरभरून कौतुक करत आहेत. अनेकजण तर हेही म्हणाले की, या तरूणाला जिम्नॅस्टिकचं ट्रेनिंग द्यायला पाहिजे.
आतापर्यंत तुम्ही सोशल मीडियात स्टंटचे अनेक व्हिडीओ पाहिले असतील. पण हा त्या व्हिडीओंपेक्षा वेगळा आणि रिअल वाटतो. कारण यात बनावट काहीच नाही.
Video : आरारारारा खतरनाक! महिलेने साडी नेसून केला असा काही स्टंट, बघणारे बघतच राहिले....