Viral Video: सध्या सोशल मीडियावर एक व्हिडिओ तुफान व्हायरल होत आहे. हा व्हिडिओ पाहून कोणाच्याही मनात धडकी भरेल. याच कारण असे की, या व्हिडिओमध्ये भरधाव वेगाने रस्त्याने जाणाऱ्या एका ऑटो रिक्षाचा भयानक अपघात घडला आहे. या अपघाताची थरारक दृश्य कॅमेऱ्यात कैद झाली आहेत.
देशभरात दररोज अनेक अपघात घडत असतात. काही अपघात गंभीर स्वरुपाचे असतात, तर काही अपघात किरकोळ असतात. मात्र, काही अपघातांमुळे मन सुन्न होते. रस्ते अपघाताचा असाच एक व्हिडिओ सोशल मीडियावर व्हायरल होत आहे. या व्हिडिओमध्ये एक ऑटो रिक्षा अचानक उलटल्याचे दिसत आहे. कोणतेही कारण नसताना ऑटो रिक्षा अशी उलटली? असा प्रश्न अनेकांना पडत आहे.
ना खड्डा, ना अडथळा, तरीही अचानक रिक्षा उलटली
व्हिडिओमधील दृष्यांमध्ये तुम्ही पाहु शकता की, एका रस्त्यावर सुरळीतपणे वाहतूक सुरू आहे. मात्र, एका रिक्षाचे चाक अचानक निखळले. ही रिक्षा ५ ते १० फूट हवेत उडाली आणि बाजूला असलेल्या डिव्हाडर बॅरिकेट्सवर जाऊन आदळली. रस्त्यावरून जाणाऱ्यांनी तातडीने रिक्षाकडे धाव घेतली. मात्र, हा अपघात नेमका झाला कसा, हे समजू शकलेले नाही. रस्त्यावर ना खड्डा होता, ना रिक्षा डिव्हायडरला धडकली, ना मार्गात कोणताही अडथळा आला. मग अचानक रिक्षा अपघात कसा झाला, या प्रश्नाने नेटकरी हैराण झाले.
ऑटो चालकाच्या मदतीसाठी लोक धावले
घडलेल्या अपघातानंतर तेथे उपस्थित असलेले सर्वजण ऑटोचालकाच्या मदतीसाठी धावले. हा व्हिडिओ पाहिल्यानंतर सोशल मीडियावरील यूजर्सही हैराण झाल्याचे पाहायला मिळत आहे. एका यूजरने या व्हिडिओवर कमेंट केली आहे की, पुढचे चाक निखलळे असून ते रिक्षाच्या आतमध्ये घुसले आहे. तर दुसर्‍या यूजरने म्हटले की, कदाचित रस्त्यावर भूत आले असेल. लोक मदतीसाठी धावून आले हे पाहून बरे वाटले, अशी कमेंट करत एका युजरने समाधान व्यक्त केले आहे.
येथे पाहा व्हिडिओ: