हरयाणातील एका बोलेरो गाडीचा व्हिडीओ व्हायरल झाला आहे. ही गाडी हवेत चारवेळा पलटी होत असल्याचे दिसत आहे.हा अपघात हरयाणातील नूह येथील राष्ट्रीय महामार्ग २४८ दिल्ली-अलवर रोडवरील घासैदा गावाजवळचा आहे. या बोलेरोने दुभाजकाला धडक दिल्याने नियंत्रण सुटले. या अपघातात बोलेरो रस्त्यावर ४ ते ५ वेळा उलटली. बोलेरो गाडीचा आवाज ऐकून परिसरातील लोकांनी घटनास्थळी धाव घेतली आणि गाडीतील लोकांना बाहेर काढले. एवढा मोठा अपघात होऊनही तिघांना किरकोळ दुखापत झाली.
या बोलेरोचा आवाज एवढा मोठा होती की अनेकांना वाटले यामधील लोकांचा मृ्त्यू किंवा गंभीर जखमी झाले असतील. पण, असं काहीच झाले नव्हते. विमानातील लोक फक्त जखमी झाले होते.
इराणच्या हल्ल्यात इस्त्रायली एअर डिफेन्स फेल; मित्राची झाली आठवण, भारताला आला कॉल, आता...
या घटनेचा एक सीसीटीव्ही व्हिडिओही समोर आला आहे, यामध्ये बोलेरो कशी मोठ्या आवाजात उलटते हे स्पष्टपणे दिसत आहे. त्यानंतर रस्त्याच्या कडेला उभ्या असलेल्या ट्रॅक्टर ट्रॉलीशी धडकल्यानंतर बोलेरो थांबते. व्हिडीओ पाहता, चित्रपटातील अॅक्शन सीनसारखा जास्त वाटतो, यामध्ये बोलेरो वेगाने येते आणि चार ते पाच वेळा पलटी होते. या अपघातात कोणालाही साधी जखम सुद्धा झालेली नाही. ज्या ट्रॅक्टर ट्रॉलीशी ही गाडी टक्कर झाल्यानंतर थांबली त्या ट्रॅक्टर ट्रॉलीमध्ये दोन लोक होते.
बोलेरो दुभाजकाला धडकली
अपघातस्थळावरुन मिळालेल्या माहितीनुसार, बुधवारी संध्याकाळी साडेसहाच्या सुमारास नुह येथून एक भरधाव वेगात येणारी बोलेरो कार येत होती. ज्यावेळी कार घासैदा गावात पोहोचली तेव्हा ती मध्यभागी असलेल्या दुभाजकाला धडकली. कारचा वेग जास्त असल्याने चालकाला गाडीवर नियंत्रण ठेवता आले नाही. यावेळी कार रस्त्याच्या मधोमध उलटली आणि बाजूला उभ्या असलेल्या ट्रॅक्टर ट्रॉलीला धडकली.
ही घटना सीसीटीव्हीत रेकॉर्ड झाली आहे. यामध्ये बोलेराच्या चालकाने मागून एका स्कॉर्पिओ कारला ओव्हरटेक केले. तेथून, वेगाने येणाऱ्या बोलेरोचा तोल सुटला, ती बोलेरो पुढे जाऊन दुभाजकाला धडकली.
अपघात झाला तेव्हा बोलोरोमध्ये तीन जण होते. हे तिघेही रेवासन येथील त्यांच्या घरी जात होते. त्यांच्या गाडीचा अपघात होताच बघणाऱ्यांची गर्दी झाली, त्यांनी तिघांनाही गाडीतून बाहेर काढले. सीसीटीव्ही व्हिडिओमध्ये काही लोक जखमींना मदत करण्यासाठी धावतानाही दिसत आहेत. घटनास्थळी उपस्थित असलेल्या लोकांनी तिन्ही जखमींना रुग्णालयात दाखल केले आहे. या अपघाताचा व्हिडीओ अनेक नेटकऱ्यांनी नशिबानेच हो लोक वाचल्याची कमेंट केली आहे.