या वर्षाचे म्हणजेच २०२५चे शेवटचे चंद्रग्रहण काल झाले. यावेळी जगाच्या वेगवेगळ्या कोपऱ्यातून चंद्रग्रहणाचे अद्भुत दृश्य पाहायला मिळाले. चंद्र नेहमीच लोकांना भुरळ घालत आला आहे, परंतु यावेळी जे दृश्य दिसले, ते खूप खास होते. रविवार, ७ सप्टेंबर २०२५ रोजी झालेल्या पूर्ण चंद्रग्रहणादरम्यान, जेव्हा चंद्र पूर्णपणे लाल झाला, तेव्हा एका व्यक्तीने दुबईच्या प्रसिद्ध बुर्ज खलिफाच्या मागून डोकावणाऱ्या या 'ब्लड मून'चा एक नेत्रदीपक टाइमलॅप्स व्हिडीओ रेकॉर्ड केला. या अद्भुत क्षणांचा व्हिडीओ आता इंटरनेटवर वाढत्या प्रमाणात व्हायरल होत आहे आणि नेटिझन्सना मंत्रमुग्ध करत आहे.
सोशल मीडियावर व्हायरल झालेल्या या टाइमलॅप्स व्हिडीओमध्ये जगातील सर्वात उंच इमारतीच्या मागून लाल चंद्र कसा हळूहळू वर येताना दिसला आहे. हे दृश्य इतके मंत्रमुग्ध करणारे आहे की, पाहणारे यात हरवून गेले आहेत. नेटिझन्स ही काही सेकंदांची क्लिप पुन्हा पुन्हा पाहत आहेत.
हे चंद्रग्रहण का होते खास?२०२५च शेवटचे चंद्रग्रहण केवळ भारतासाठीच नाही, तर आशिया, ऑस्ट्रेलिया, आफ्रिका आणि युरोपमधील लाखो लोकांसाठी एक अद्भुत खगोलीय घटना होती. हे चंद्रग्रहण ८२ मिनिटे चालले, ज्यामुळे ते एक दीर्घ आणि दुर्मिळ घटना बनले.
ब्लड मून कधी दिसतो?जेव्हा पृथ्वी सूर्य आणि चंद्राच्या मध्ये येते आणि तिची सावली चंद्रावर पडते तेव्हा चंद्र लाल दिसतो. या काळात काही सूर्यप्रकाश पृथ्वीच्या वातावरणातून फिल्टर होऊन चंद्रावर पोहोचतो, ज्यामुळे तो लाल दिसतो.
कोणी बनवला हा सुंदर व्हिडीओ?चंद्र ग्रहणाचा हा अद्भुत व्हिडीओ दुबईचे सुप्रसिद्ध व्यावसायिक छायाचित्रकार आणि व्हिडीओग्राफर रामी डिबो यांनी त्यांच्या इंस्टाग्राम अकाउंट @pixtarami वर शेअर केला आहे. त्यांनी सोनी A1II आणि नवीन सिग्मा 200f2 लेन्स वापरून हे सुंदर दृश्य टिपले आहे.