Tiger Viral Video: वन्य प्राण्यांचे व्हिडिओ अनेकदा सोशल मीडियावर व्हायरल होत असतात. यात अनेक व्हिडिओ वाघाचेही असतात. वाघाला पाहून प्रत्येकजण घाबरतो, मग तो वाघ पिंजऱ्यात असो किंवा मोकळ्या जंगलात. वाघासमोर यायला माणूस काय, इतर प्राणीही घाबरतात. पण, नुकताच सोशल मीडियावर एक व्हिडिओ सर्वांचेच लक्ष वेधून घएत आहे. यामध्ये एक चिमुकला महाकाय वाघाला पंजे मारताना दिसत आहे.
या व्हायरल व्हिडिओमध्ये काचेच्या पिंजऱ्यात आहे, तर पिंजऱ्याच्या बाहेर लहान चिमुकला उभा आहे. यावेळी चिमुकला त्या वाघाला स्पर्श करण्याचा प्रयत्न करतो, पण काचेमुळे तो तसे करू शकत नाही. यानंतर तो चिमुकला त्या वाघाला हाताने मारतो, तर वाघदेखील त्या चिमुल्याप्रमाणे त्याच्यावर पंजा मारतो. यावेळी वाघदेखील त्या चिमुकल्यासोबत मस्तीच्या मूडमध्ये दिसत आहे.
हा व्हिडिओ सोशल मीडिया प्लॅटफॉर्म इन्स्टाग्रामवर the_amazing_tigers नावाच्या आयडीवरुन शेअर करण्यात आला आहे. हा व्हिडिओ नेटकऱ्यांना खूप आवडत असून, 12 मार्च रोजी शेअर केलेल्या या व्हिडिओला 1 लाखाहून अधिक लोकांनी लाइक केले आहे. व्हिडीओ पाहणारे युजर्स त्यावर वेगवेगळ्या प्रतिक्रियाही देत आहेत.