Social Viral Video : सोशल मीडियावर कोणता ना कोणता व्हिडीओ नक्कीच चर्चेत राहतो. काही व्हिडीओ बघून लोक पोट धरून हसतात तर काही व्हिडीओ बघून लोकांना आश्चर्याचा धक्का बसतो. असाच एक धक्कादायक व्हिडीओ समोर आला आहे. हा व्हिडीओ पाहिल्यावर लोकांच्या अंगावर शहारे आलेत. कारण एका कुत्र्याचा जीव वाचवण्यासाठी एका व्यक्तीने जीवाची बाजी लावली. या व्यक्तीच्या बहादुरीचं लोकांकडे कौतुक केलं जात आहे.
असं म्हणतात की, जगात माणूसकीपेक्षा मोठा कोणता धर्म नाही. अनेक लोक यासाठी आपल्या जीवाची बाजीही लावतात. हा व्हिडीओ पाहिल्यानंतर तुम्हाला याचीच जाणीव होईल. व्हिडीओत तुम्ही बघू शकता की, रेल्वे ट्रॅकवर एक कुत्रा अडकला होता. तेच समोर वेगाने एक रेल्वे येत होती. एका व्यक्तीची नजर कुत्र्यावर पडते. आणि तो कुत्र्याला वाचवण्यासाठी धावत येतो. तो कुत्र्याजवळ पोहोचून त्याचा जीव वाचवतो आणि मागून रेल्वे येते. मात्र, दोघेही तोपर्यंत सुखरूप असतात.
व्हिडीओ बघून तुम्हीही चक्रावून जाल. हा व्हिडीओ व्हायरल झाला आहे. इन्स्टाग्रामवर हा व्हिडीओ 'official_viralclips' नावाच्या अकाउंटवर शेअर करण्यात आला आहे. या व्हिडीओला आतापर्यंत हजारो व्ह्यूज मिळाले आहेत. चारशेपेक्षा जास्त लोकांनी व्हिडीओला लाइक केलं आहे.