नवी दिल्ली - सोशल मीडियावर नवनवीन व्हि़डीओ हे व्हायरल होत असतात. काही व्हिडीओ हे गंमतीशीर असतात. तर काही आश्चर्याचा धक्का देणारे असतात. असाच एक व्हिडीओ सध्या जोरदार व्हायरल होत आहे. एका रेल्वे ब्रिजवर गाय उभी असते. तेवढ्य़ात समोरून ट्रेन य़ेते आणि गायीला धडक देते. पण पुढे असं काही होतं की ते पाहून तुम्हीही चमत्कार आहे असं म्हणाल. ट्रेनने धडक दिल्यानंतर गाय रेल्वे ब्रिजवरून खाली पडते. खाली पाण्यात पडल्यानंतर देखील ती पुन्हा आपल्या पायावर उभी राहते.
सोशल मीडियावर जोरदार व्हायरल झालेल्या या गायीच्या व्हि़डीओवर अनेकांनी प्रतिक्रिया दिल्या आहेत. गाय रेल्वे ब्रिजवर उभी असताना अचानक समोरून ट्रेन येते. पण रेल्वे रुळावर जागाच नसल्याने गायीला दुसरीकडे जाण्याचा पर्यायच मिळत नाही. ती तिथेच उभी राहते. त्यानंतर ट्रेन येते आणि तिला धडक देते. पाण्यात पडल्यावर देखील गायीला काही होत नाही. ती पाण्यात उभी राहते आणि चालत पुढे जाते असं व्हायरल होणाऱ्या व्हिडीओमध्ये पाहायला मिळत आहे. आतापर्यंत हजारो लोकांनी हा व्हिडीओ पाहिला असून लाईक केला आहे. सर्वत्र याची चर्चा रंगली आहे. एका हिंदी वेबसाईटने याबाबतचे वृत्त दिले आहे.