लग्न करून जेव्हा मुलगी सासरी येते तेव्हा एकाचवेळी अनेक नवनवीन नाती तयार होतात. ही नाती निभावण्यासाठी ती सर्वांसोबत आपल्या परीने वेगळं वागते आणि प्रेम-विश्वास निर्माण करते. जसजसा वेळ निघत जातो तसतसा सासरी आपली जागा निर्माण करते. सध्या सोशल मीडियावर सासू-सूनेचा एक व्हिडीओ व्हायरल झाला आहे.
सोशल मीडियावर व्हायरल झालेल्या या व्हिडीओत बघू शकता की, सून सासरी तिच्या सासूजवळ बसली आहे. इतकंच नाही तर सून सासूचे पाय दाबत दाबत देसी अंदाजात गाणंही गात आहे. सून गाणं गात आपल्या सासूला गंमतीने हा इशारा देत आहे की, जब तक बेटा मम्मी बोले, तब तक बेटा तेरा है. अब तेरा बेटा डार्लिंग बोले, अब तेरा बेटा मेरा है.
त्यासोबत सूनबाई सासूसमोर असंही म्हणते की, बेटा-बेटा ना कर सासू, अब तेरा बेटा मेरा है. सूनेने भलेही गंमतीने हे गाणं म्हटलं असलं तरी अनेकांनी हेच म्हटलंय की, हे लग्नानंतरचं सत्य आहे. हा व्हिडीओ पाहून लोक पोट धरून हसत आहेत. खासकरून महिलांना हा व्हिडीओ फारच आवडला आहे. इन्स्टाग्रामवर हा व्हिडीओ व्हायरल झाला असून लोक भरभरून यावर कमेंट्सही करत आहेत.