Train Girl on track Viral Video: सोशल मीडियावर एक व्हिडिओ व्हायरल होत आहे. या व्हिडिओमध्ये एका महिलेच्या अंगावरून ट्रेन जात असल्याचे दिसत आहे. ती फार विचित्र स्थितीत ट्रॅकवर बसली असतानाच ट्रेन आली, पण ती तेथून हलली नाही. सोशल मीडियावरचा हा व्हिडिओ खूपच थक्क करणारा आहे. हा व्हिडिओ पाहिल्यानंतर लोक पूर्णपणे हैराण झाले आहेत. मुलीच्या अंगावरून ट्रेन गेली, पण तरीही तिच्या चेहऱ्यावर भिती अजिबात दिसली नाही. ती फोनवर अगदी आरामात बोलताना दिसत आहे. इतकेच नव्हे तर ट्रेन निघून गेल्यावरही तिने बोलणे थांबवले नाही. या व्हिडिओवर अनेक लोक कमेंट करत आहेत. मुलीवर टीका करत आहेत तसेच तिच्या वागण्यावर प्रश्नही उपस्थित करताना दिसत आहेत.
व्हायरल व्हिडीओमध्ये दिसत आहे की, संपूर्ण ट्रेन एका मुलीच्या अंगावरून गेली. ती रुळावर झोपली आणि तिचा जीव वाचला. ती थोडीशीही उठली तर घडू नये ते घडले असते. हा व्हिडिओ अतिशय धक्कादायक आहे. हा व्हिडिओ पाहिल्यानंतर लोक पूर्णपणे बेजार झाले आहेत. इंटरनेटवर कमेंट करून ते मुलीला खूप सुनावत आहेत.
व्हायरल होत असलेला हा व्हिडिओ ट्विटरवर पोस्ट करण्यात आला आहे. या व्हिडिओला ७ लाखांहून अधिक व्ह्यूज मिळाले आहेत. या व्हिडिओवर अनेकांच्या कमेंट्सही पाहायला मिळाल्या आहेत. कमेंट करताना एका यूजरने लिहिले आहे- 'आयुष्य महत्त्वाचं नाही, पण फोनवर संभाषण चालूच राहिलं पाहिजे,' असं एकाने उपहासाने म्हटले आहे. त्याचवेळी एका यूजरने या व्हिडिओवर कमेंट करत म्हटले- ती एकतर वेडी आहे किंवा तिला मृत्यूची भीती वाटत नाही.